Vendimi i Gjykatës së Tiranës për të pushuar çështjen ndaj kreut të Partisë Demokratike, Lulzim Basha, Arben Ristanit dhe Ilir Dervishit ka sjellë reagime kritike nga përfaqësues të Partisë Socialiste.
Lexo edhe: “Lobimi rus”/ Gjykata pushon çështjen ndaj Bashës dhe zyrtarëve të PD-së
Pas paralajmërimeve për apelim të çështjes dhe stigmatizimit të prokurorëve dhe gjyqtarëve si pjesë e “KÇK” nga numri dy i socialistëve, Taulant Balla, ka ardhur edhe reagimi i zëvendëskryeministrit Erion Braçe.
Lexo edhe: Pushimi i çështjes së Bashës, Balla:Kush mendon se mbyllet këtu e ka gabim
Sipas tij Lulzim Basha mbetet i vetmi politikan që nuk gjykohet nga gjykata. Ndonëse PD tashmë është në opozitë dhe madje nuk është as pjesë e parlamentit, Braçe pretendon se Basha ka pushtet mbi gjyqtarët dhe prokurorët pasi ai i ka emëruar ata bashkë me “ministrin e tij të drejtësisë”, duke nënkuptuar këtu avokatin e Bashës, ish-ministrin e Drejtësisë, Eduard Halimi.
Ai shkon më tej duke shkruar se ky proces gjyqësor nuk është produkt i Reformës në Drejtësi, të cilët deri tani qeveria dhe partnerët ndërkombëtarë e kanë cilësuar si sukses të madh.
“Ky eshte ende sistemi i vjeter i padrejte, i pandershem, politik e banal qe ka ndertuar Lulzim Basha me ministrin e tij te drejtesise…. Ky eshte sistemi i tij, i tyre dhe eshte ende ne kembe!”, shkruan Braçe në postimin e tij në Instagram.
Postimi i plotë i Erjon Braçes
Perseri nuk u gjykua per dy akuza te ngritura nga prokuroria! Lulzim Basha ishte dhe mbeti i vetmi politikan qe nuk gjykohet kurre per akuzat mbi te! Kurre nuk eshte trajtuar si i barabarte para ligjit!
Ky vend ka dy standarde: Njeri per qytetaret dhe cilindo tjeter qe nuk ka prokuroret e gjykatesit e tij;
Tjetri per Lulzim Bashen qe ka gjithnje prokuroret, gjykatesit, avokatet e tij, te cilet kane emeruar prokuroret e gjykatesit qe as hetojne e as gjykojne vec nje politikan-Lulzim Bashen. Kush e ngaterron kete duke e treguar si produkt i #ReformaneDrejtesi, gabon! Ky eshte ende sistemi i vjeter i padrejte, i pandershem, politik e banal qe ka ndertuar Lulzim Basha me ministrin e tij te drejtesise.
Kesaj rradhe eshte edhe me e qarte, por edhe me e turpshme; Nje lobist amerikan, ne maredhenie ligjore e publike me PD, materializuar me firma te tij e te Lulzim Bashes, ka deklaruar ne cdo zyre ligjore te SHBA se ka marre prej PD permes nje kompanie ne maredhenie me te, 670 000 DOLLARE! Ne zyrat ligjore te Shqiperise, Lulzim Basha as qe i ka deklaruar ato! Pyetja qe priste pergjigje nga prokurore e gjykates bashke, mbetet e thjeshte: Te kujt jane 670 000 dollaret e paguar e te deklaruar ne Amerike?
Lobisti ne marredhenie me PD e Lulzim Bashen, thote qe jane te PD dhe kompanise qe ka vepruar per llogari te saj. Lulzim Basha nuk thote asgje! Madje nuk thote as qe lobisti i tij genjen nen betim! Kete duhet te zbardhte prokuroria e te gjykonte gjykata. Por Lulzim Basha nuk gjykohet kurre! Ka gjithnje gjykatesit e prokuroret qe i garantojne imunitet, mungesen e nje gjyqi per te! Ky eshte sistemi i tij, i tyre dhe eshte ende ne kembe! /Opinion.al
