Kryesore

Vendimi për ankimimin e Alibeaj, PD: Kallëzim penal për funksionarët e gjykatës


Bëhu pjesë e Grupit Zyrtar të Opinion.al
>> KËTU <<
               Publikuar në : 11:27 - 15/05/22 |
Opi Nion

Partia Demokratike ka njoftuar kallëzim penal ndaj gjyqtares Blerina Muça dhe cilitdo funksionar, që sipas tyre po përdor manovra për të vonuar dhe penguar vendimin,  që do të përcaktonte legjitimitetin e organeve drejuese të PD.

Në një dalje për mediat, drejtore e Komunikimit në PD Floriana Garo tha se ky hap do të hidhet nëse deri ditën e hënë, gjykata nuk do të ketë një vendim lidhur me ankimimin e zotit Alibeaj.

“Nëse deri në përfundim të orarit zyrtar të ditës së hënë nuk do të jetë komunikuar vendimi, PD do të paraqesë kallëzim penal për çdo funksionar të përfshirë në këtë process të paligjshëm”, tha Garo duke u shprehur se PD pret vendimin për të bërë ankimimin e tij.

DEKLARATË E PARTISË DEMOKRATIKE

Jam këtu përpara jush për të denoncuar praktikat abuzive të gjykatës së Tiranës, e cila ne vijim të ndërhyrjeve të paligjshme në procesin e konfirmimit të organeve drejtuese legjitime të partisë, vazhdon të bëhet palë  në proces, duke favorizuar një fraksion i cili pasi mbajti peng vulen e demokrateve për muaj me radhe, tani kerkon përsëri t’i bllokojë ata nëpermjet marifetesh proceduriale.

Konkretisht, qe ne daten 26 Prill, Partia Demokratike i ka kerkuar zyrtarisht Gjykates se Tiranes qe t’i komunikojë vendimin e gjyqtare Blerina Muçaj e cila pranoi ankimin e deputetit Enkelejd Alibeaj kunder vendimit të Partisë Demokratike, me qëllim që të ushtronim të drejtën tonë ligjore të ankimit.

Prej më shumë se 2 javësh, Gjykata e Tiranës nuk kthen përgjigje dhe nuk na vë në dispozicion vendimin duke u bëre pengesë për ta ankimuar këtë vendim në kundërshtim të plotë me ligjin.

Arsyeja e vetme e kësaj manovre vonese është që dosja e regjistrimit në gjykatë te Kuvendit të 11 Dhjetorit të degdiset në gjykatën e Apelit përpara se Partia Demokratike të ketë mundësine të ankimojë vendimin e gjyqtares Muça.

Partia Demokratike i bën thirrje drejtuesve të Gjykatës Tiranë, përkatësisht kryetarit Flamur Kapllani dhe Kancelarit Donald Xhelili që të mos bëhen pjesë e këtij skenari bllokimi të paligjshëm.

Nga ana tjetër, Partia Demokratike paralajmëron se nqse deri në përfundim të orarit zyrtar të ditës së hënë ende nuk do t’i jetë komunikuar zyrtarisht vendimi i gjyqtares Muça, atëherë ajo do të paraqesë kallzim penal për shpërdorim detyre për cilindo personazh të përfshirë në këtë skenar të jashtëligjshëm, pavarësisht pozicionit që mban.

Organet drejtuese legjitime të Partisë Demokratike i zgjedhin dhe përcaktojnë vetëm demokratët me votën e lirë dhe s’mund ti diktojë askush, as me vendime gjykate e as me marifete proceduriale.

 

 

Pas