Kryetari i Bashkisë së Tiranës, njëherësh drejtues politik i qarkut, ka patur një takim me banorë të njësisë Nr.1.
Në fjalën e tij, Veliaj tha ndër të tjera se kushdo që i bashkohet Partisë Socialiste ka marr vendimin e duhur. Duke folur për menaxhimin që qeveria pati me tërmetin dhe pandeminë, Veliaj nuk i kurseu kritikat për kryedemokratin Basha.
Ndër të tjera ai tha se Basha nuk do kishte qenë në gjendje të siguronte vaksinë nëse do të ishte në krye të vendit, duke e cilësuar si “i marum”.
“Kur është puna me gjet vaksinën, tani gjithë vendet e botës janë duke u rraf (në kuptimin diplomatik) kush e sjell vaksinën. Sigurisht që merr prioritet një vend që ka 1 miliardë, pastaj një vend si Amerika me 400 a 500 milionë që e shpikën vet, pastaj Gjermania ku është pjesa tjetër e shpikësve të vaksinës, me nga 80 milionë. Po një Shqipërie me 2.8 milionë po të ishte radha qumshtit i vinte radha në 2024. Por, po të kesh një rob të ftillum si Edi Rama, që ja kapin telefonin, që ja plotësojnë kërkesën, që e fusin dhe pa radhë… Se vendet janë si robt, robi që njef çan, robi që është qullash e se njef njeri nuk çan. Se kështu është jeta, edhe kombet kështu janë bërë, nuk janë me drejtësi janë me të njofme. Kush t’ja kapi telefonin Lulit? Lulit s’ja kap telefonin kunati vet, do ja kapi ai i Pfizerit t’i sjelli vaksinën , një të marumi që është nuk ngul një gozhdë në Tiranë kur ishte ai”, u shpreh Veliaj./Opinion.al
