Aktualitet

Veliaj: Ka lloj-lloj mitomanësh e dallkaukësh që do flasin si mjeshtra, ne kemi punët



Bëhu pjesë e Grupit Zyrtar të Opinion.al
>> KËTU <<
               Publikuar në : 17:25 - 28/10/22 |
Opi Nion

Kryetari i Bashkisë së Tiranës, Erion Veliaj,teksa përuroi stacionin e ri të zjarrfikësve në Tiranë, bëri dhe një koment për politikanët që flasin për detyrën e tij.

Gjatë fjalës së tij, Veliaj tha se shumë prej tyre që komentojnë nëpër televizione flasin si mjeshtra, ndërsa iu drejtua me epitetet mitomanë e dallkaukë.

“Ka lloj-lloj mitomanësh e dallkaukësh që do të flasin si mjeshtra edhe për zjarrfikësen, edhe për tërmetin, edhe për pandeminë i kemi parë nëpër televizione. Ne nuk jemi ajo rracë, ne flasim me punë! Për çfarë duhet t’i kthej unë batutën çdo lloj mitomani, kur kjo që kemi bërë këtu është përgjigja më e mirë për shërbimin tonë zjarrfikës? Pse të flas unë për arsimin në Tiranë, kur mjafton të shikosh shkollat “Sami Frashëri”, “Kosova”, “Servete Maçi”, shkollën që po ndërtojmë tek ish-Shërbimi Informativ Ushtarak, “Luan Hajdaraga”, shkollën tjetër te Fresku. Kjo është përgjigja jonë!”, përfundoi Veliaj

Po ashtu, kryebashkiaku komentoi dhe protestën e pedagogëve, për të cilën tha se është e tepërt dhe se po rrezikon të lejë studentët pa shkollë.

“Imagjinoni sikur, një ditë, zjarrfikësit të thonë: Do të bëhemi edhe ne kapriçozë, do politizohemi edhe ne, do fusim edhe partitë në uniformën tonë, ndaj për ideal të partisë sot nuk do të shuaj zjarre, nuk do të hap një derë ashensori të bllokuar, ku mund të ketë ngelur një i moshuar, etj. Kjo do të ishte një katastrofë! Për ata pedagogë që janë në grevë sot dhe po i lënë studentët rrugëve, dua të them se pasi ngelën një vit pa mësim për shkak të pandemisë, një vit për shkak të tërmetit dhe dëmtimit të shumë institucioneve arsimore, ky vit i tretë është i tepërt. Një pedagog e ka mundësinë që, pasi mbaron tre-katër orë mësim në shtet, të bëjë edhe tre-katër orë të tjera në privat. Mund të bëjë edhe një konsulencë me paratë e BE-së ose të punojë me një biznes privat. Kurse një zjarrfikës, i cili është 24 orë këtu, nuk e ka këtë mundësi. Jeton vetëm me rrogën e zjarrfikësit. Nuk e ka mundësinë që, pasi të shuajë zjarret, të shkojë të shuajë zjarre edhe te privati”, tha Veliaj.

Këto deklarata të tij, vijnë gjatë inagurimit të stacionit të ri zjarrfikës në Kinostudio, të cilin e veçoi si më të madhin dhe më të bukurin në Shqipëri./Opinion.al

Pas