Kryesore

Veliaj i përmendi të birin, kundërpërgjigjet Nishani: Rrugaç i pashkollë!


               Publikuar në : 09:45 - 26/04/19 |
b.f

Ish-Presidenti Bujar Nishani i është përgjigjur ashpër kryebashkiakut Erion Veliaj, pasi ky i fundit i përmendi të birin gjatë një interviste televizive.

Ditën e djeshme, në studion e Mirela Milorit, Veliaj tha se politikanët i kanë fëmijët jashtë vendit, duke dhënë shembullin e Lulzim Bashës dhe Bujar Nishanit.

“Pyetja që unë u bëj qytetarëve është, a do luftosh për fëmijët e tu apo të Lulit, se Luli i ka në Hollandë, apo të Bujar Nishanit që e bëri austriak?”, ishte fraza që nxiti reagimin e Bujar Nishanit.

Në një status në Facebook, Nishani e quan Veliajn “rrugaç të pashkollë” dhe i kujton vdekjen e Ardit Gjoklajt, për të cilën PD akuzon drejtpërdrejtë Erion Veliajn dhe Bashkinë e Tiranës.

“Rrugaçi i pashkollë që e kanë vënë në krye të Bashkisë së Tiranës paska marrë në gojë djalin tim nga ekranet e tv-ve. Llaxorja që nuk e njeh nderin e dinjitetin e familjes, pasi u martua me paratë e “djersës” së mamasë, merr kurajon ti tregojë moralin këtij populli që helmohet çdo ditë nga betoni i narkomafias.
Nuk e kuptoka përse protestojnë shqiptarët !? Ka njëmijë e një arsye pse ata dalin rrugëve të Shqipërisë.
Ata dalin edhe për Arditin, fati tragjik i të cilit do të tmerrojë gjithë jetën edhe të birin e këtij deviacioni human, sapo të ketë mundësinë ta mësojë”
, shkruan Nishani./Opinion.al

Pas