Nga studio e emisionit “Opinion” Erion Veliaj hodhi akuza të forta ndaj kryetari të opozitës, Lulzim Basha. Duke folur për lejet e ndërtimit që janë dhënë, për të cilat Veliaj tha se janë dhënë më pak se administrata e drejtuar nga Basha, ai akuzoi kryedemokratin se i ka dhënë leje vetes.
“Kam çuar një pafundësi lejesh në prokurori. E di që disa kanë vajtur dhe në gjykatë. Kanë anuluar komplet projektin e vjetër të bulevardit të ri, pikërisht për ti prishur këto pazare dhe nëse do le të themi rezultatin më pikant të auditit shiko një vendim të Bashkisë së Tiranës, datë 1 gusht dhe thotë: Vendim për miratimin e lejes për zonjën Aurela Isufi dhe Lulzim Basha dhënë nga Lulzim Basha. Ka bërë 4 mbyllje dhe e para e punës ti flet për një. Ai ka marrë leje për një dhe ka bërë 5. Nuk ka bërë vetëm kat shtesë, ka bërë edhe 4 xhepat anash. Është puna tek parimi se duhet të jesh shumë i paaftë, i ulët, komplet pa nivel, fyes ndaj qytetarëve të tu që nuk shkon në Bashki. Nuk të punon sahati dhe i jep leje vetes tënde. E kam çuar në gjykatë dhe me të marrë vendimin e gjykatës patjetër do prishet. Ti pse nuk bën pa leje. Këta këtu, pse nuk bëjnë pa leje. Një që s’ka bërë këtu meriton të jetë kryetar opozite se është më e I ndershëm se një që në çdo mundësi e ka rrjepur këtë shtet”, u shpreh Veliaj.
Sipas tij për këtë rast ILDKP është shprehur se është në kundërshtim me ligjin. “Sapo të thashë, e para punës. ILDKP ka kthyer përgjigje dhe thotë: Është konflikt interesi të japësh leje për veten tënde. Sidomos kur është në shkelje të ligjit, sepse aty ku leja është dhënë quhet e ezauruar, nuk mund të shkosh as më lart, as më anash”, tha kryetari i Bashkisë së Tiranës./Opinion.al
