Një nënë, në muajin e 9 të shtatzanisë humbi jetën në maternitetin Koço Klozheni në Tiranë, ose siç njihet ndryshme materniteti i ri. Ngjarja e rëndë ka ndodhur në orët e para të mëngjesit dhe është bërë publike në media nga familjarët e viktimës të cilët akuzojnë mjekët e këtij materniteti se nuk i kanë dhënë ndihmë të shpejtë dhe profesionale gruas shtatzënë. Sipas dëshmisë së vëllait të saj dhe kunatit, Aida Koçi, 35 vjeçe me banim në Paskuqan ka shfaqur shqetësime dhe e kanë shoqëruar në spital rreth orës 21 të mbrëmjes së djeshme. Ata thonë se kanë pritur rreth 20 minuta në urgjencën e maternitetit më tej i kanë sorollatur sa tek QSUT tek Sanatoriumi dhe si përfundim në orën 02:00 kanë shkuar sërish në maternitet kur 35 vjeçarja ishte me oksigjen dhe në rrezik për jetën. Rreth orës 06:00 janë njoftuar se ka vdekur në barkune nënës foshnja. Në këtë situatë vëllai i viktimës ka thyer një xham dhe për këtë mjekët kanë njoftuar policinë. Siç thuhet edhe në deklaratën policore, mjekët informuan për incidentin dhe jo për vdekjen. Më tej rreth orës 07:00 është njoftuar edhe vdekja e gruas. Janë ende mister shkaqet e kësaj vdekje tragjike.
Njoftimi i policisë së Tiranës
Rreth orës 06:00, mjekët e Spitalit “Koço Glozheni”, kanë lajmëruar tek numri 112 se kanë një konflikt në pavionin e urgjencës.
Në momentin e arritjes së shërbimeve në urgjencën e spitalit kanë konstatuar derën e pavionit të dëmtuar si dhe xhamat.
Gjithashtu mjekët kanë sqaruar se ka vdekur foshnja e porsalindur, dhe familjarët e irrituar kanë shkaktuar dëmet në pavion.
Për të sqaruar rrethanat e ngjarjes shërbimet kanë ftuar shtetasin F. O. (i vëllai) që të kalonte me to në komisariat për një deklarat.
Rreth orës 07:00 kanë njoftuar mjekët e spitalit se ka vdekur shtetasja Aida Koçi, 35 vjeçe, banuese në Tiranë.
Menjëherë është bërë e mundur që shtetasi F. O. të kaloi tek spitali.
Grupi hetimor në vendin e ngjarjes ka tërhequr rregjistrat e spitalit dhe janë shoqëruar për të dhënë deklarata mjekët që kanë qënë në punë.
Vazhdojnë hetimet për zbardhjen e plotë të ngjarjes.
