Kronikë

Vdekja e 5-vjeçarit në Berat, arrestohen 2 zyrtarë të Bashkisë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:17 - 23/05/20 |
Opi Nion

Një ngjarje e rëndë u regjistruar ditën e djeshme në të Beratit, ku një 5-vjeçar gjeti vdekjen pasi ka rënë në kontakt me kabllot elektrik të pa izoluara.

Lidhur më këtë ngjarje, janë arrestuar dy zyrtarë të bashkisë, ndërsa ka filluar procedimi penal në gjendje të lirë për 4 punonjës elektricist.

Sipas informacioneve, të arrestuarit dhe të proceduarit akuzohen se janë përgjegjës për ngjarjen e rëndë të ndodhur në qytetin e Beratit.

Në prangat e policisë ka rënë Drejtori i Drejtorisë së Shërbimeve Publike në bashkinë e Beratit, Polizoi Ikonomi dhe inxhinieri i kësaj drejtorie Llazar Hoxholli. Ata akuzohen për “shpërdorim detyre”.

Nën hetim, në gjendje të lirë janë edhe 4 punonjës të tjerë të kësaj drejtorie, me pozicionin elektricistë, emrat e të cilëve nuk janë bërë ende të ditura.

Edhe mbi 4 elektricistët që po hetohen e procedohen në gjendje të lirë rëndon e njëjta akuzë, ajo e shpërdorimit të detyrës. Materialet në ngarkim të 6 shtetasve të sipërpërmendur janë përcjellë pranë Prokurorisë së Rrethit Berat.

5-vjeçari Aleksandër Brahimi, vinte nga një familje e varfër dhe për këtë arsye ai lypte. Por, mëngjesin e djeshëm ai gjeti vdekjen në parkun e qytetit të Beratit. Pas kontaktit me energjinë elektrike, ai mbërriti në spital me shenja jete të dobëta por mjekët, me gjithë përpjekjet e bëra, nuk kanë mundur dot ta shpëtojnë./ Opinion.al

Pas