Rajoni

Vdekja e 26-vjeçarit, ministri kosovar mendon dorëheqjen


               Publikuar në : 14:42 - 04/05/20 |
el ida

Ministri kosovar i Shëndetësisë, Arben Vitia deklaroi se ka menduar prej ditës së djeshme të japë dorëheqjen. Kjo lidhet me vetëvrasjen e një 26-vjeçar, i cili qëndronte në karantinën e detyruar për personat e riatdhesuar në Qendrën e Studentëve në Prishtinë.

Në një konferencë për shtyp, Vitia, u shpreh se për shkak të emergjencës së koronavirusit nuk e ka dhënë dorëheqjen por shtoi se do të punojë deri në fund për zbardhjen e kësaj ngjarje.

Vitia mohoi edhe lajmet se mjekët të ishin njohur më parë me një dokument që raportonte për situatën shëndetësore të të riut të vetëvrarë.

26-vjeçari nga Gjilani u hodh nga kati i pestë i godinës ku qëndronte në karantinë pas kthimit nga Gjermania, dhe për shkak të plagëve të marra nuk ia doli të mbijetonte./Opinion.al

Pas