Kardiologu dhe reanimatori që akuzohen për mjekim të pakujdesshëm, për 25-vjeçaren Rexhina Debrova e cila ndërroi jetë pas operacionit për lindjen e fëmijës, nuk kanë pranuar akuzat ndaj tyre dhe kanë kërkuar lirim të menjëhershëm.
Ata kanë deklaruar se e reja ndërroi jetë si pasojë e një patologjie që hyn në rastet e rralla të komplikacioneve, ndërsa në të njëjtën linjë me dëshmitë e mjekeve ishte dhe reagimi i Spitalit të Elbasanit menjëherë pas ngjarjes.
“Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës. Nëna e re dyshohet se pësoi komplikacion postoperator “trombemboli pulmonare” i ashtuquajtur infarkt mushkërie”, u tha në deklaratën zyrtare.
Policia shoqëroi më herët dhe dy infermierë që asistuan në operacionin e Deborvës, por mëngjesin e së martës ata u lënë të lirë. Do jetë ekspertiza shkencore mjeko-ligjore ajo që do të përcaktojë shkaqet e vdekjes. Familjaret e të ndjerës kanë reaguar ashpër, dhe kanë kërkuar zbardhjen e shkaqeve të vdekjes së 25 vjeçares, teksa kanë akuzuar mjeket për neglizhencë dhe mungesë profesionalizmi./Opinion.al
