Vdekja e 23-vjeçares Evgjeni Baxho e ndodhur mesditën e datës 18 maj, në Tiranë, në rrugën ‘Teodor Muzaka’ në lagjen “Ali Demi” vijon ende të hetohet nga policia.
Më herët është bërë me dije se në trupin e viktimës janë gjetur dy simbole të panjohura të bëra me lapostil të kuq, nga të cilat, një nga simbolet e shkruar në kurrizin e viktimës ka tre shkronja.
Këtë e ka shpjeguar oficerja B,K në dosjen që TCh disponon, teksa në pjesën e parme të trupit të viktimës ka të vizatuar një tjetër simbol.
Mediat kanë arritur të sigurojnë detaje nga dosja hetimore lidhur me këtë ngjarje të rëndë.
Grupi i hetimit thekson se ka gjetur pranë vajzës një recete, një raport të marrë nga instituti shëndetësor të firmosur në datën 12 maj, një fletë e bardhë e shkruar me shkrim dore me stilolaps blu, që fillon me fjalët: “Vet nga fjala virtualizëm ‘ dhe përfundon me shkronja shtypi “DISK DEFRAGMENT’ .
Burimet e gazetares Anila Hoxha thonë se letra ka 16 rreshta ku pas numrit 4 shkruhet “borë metal”.
Nga ana tjetër për këtë ngjarje është marrë në pyetje një 26 vjeçar me inicialet S.S, I cili mendohet se ka qenë shoku i viktimës.
26 vjeçari ka thënë:
‘ E kam njohur Evgjeni Baxho, pasi punonte tek Vodafone dhe e kam njohur pasi i çoja kafen tek dyqani. Më pas ka patur raste kur ishte kohë me shi dhe ajo më thoshte që kur ta mbaronte punën ta çoja deri afër shtëpisë dhe unë e kam çuar me makinë deri afër shtëpisë. Ndonjëherë kam dalë për kafe por marrëdhëniet me të ishte vetëm shoqërore. Në lidhje me Evgjeninë di që jetonte me një shoqe të quajtur Anxhela dhe më pas jetonte vetëm. Nuk dija të kishte të dashur.
Ditën e dielë duke qenë se ajo kishte 10 ditë që nuk kishte ardhur në punë i shkrova në instagram dhe e pyeta nëse do dilte për kafe.
Pranoi dhe dolëm për kafe në Farkë. E kam pyetur për shëndetin dhe më tha që i dhimbnin pak bajamet dhe kam vënë re që ishte pak e enjtur tek buza.
Nuk kemi qëndruar shumë pasi bënte freskët dhe ndërkohë e mori edhe tezja në telefon, të cilës ja mbylli telefonin dhe Evgjenia tha ‘hajde çohemi se do vete pak tek tezja’.
Jemi çuar dhe më pas nuk kam kontaktuar më me të. Ajo më tha se ditën e nesërme do shkonte në një klinikë private për të bërë analizat dhe për të bërë vizitën dhe me siguri do shkonte dhe në punë”.
Policia: A të ka thënë që do shkonte doktori ta vizitonte në shtëpi?
S.S: Jo nuk ma ka thënë diçka të tillë
Policia: A keni vënë re nëse Evgjenia shoqërohej me ndonjë person në moshë të madhe?
S.S – Jo nuk e kam parë ndonjëherë me ndonjë person në moshë të madhe.
Policia: A keni vënë re ndonjë vizatim të bërë nga Evgjenia në trupin e saj ?
S.S: Jo nuk kam parë ndonjë vizatim dhe as nuk e kam vënë re.
Policia: A keni dijeni nëse Evgjenia frekuentonte ndonjë lloj besimi?
S.S: Nuk kam informacion për këtë . Ne kur dilnim për kafe bënim muhabet në lidhje me punën ose familjen dhe nuk kemi bërë ndonjëherë muhabet për tema të tjera.
Kujtojmë se e reja kishte ardhur në kryeqytet për studimje teksa ishte rritur me gjyshërit, sepse prej një kohë të gjatë prindrit I kishte të divorcuar.
Policia ka sekuestruar pranë trupit të viktimës një laptop, dy telefona, një letër format të shkruar dhe lapostilat. Hetimet vijojnë ende për të bërë zbardhjen e plotë të ngjarjes, teksa e gjitha aktualisht është një mister./Opinion.al
