Aktualitet

Vatrat e zjarreve/Peleshi-kryetarëve të bashkive dhe FA: Mos të flenë gjumë se…



Bëhu pjesë e Grupit Zyrtar të Opinion.al
>> KËTU <<
               Publikuar në : 21:24 - 06/07/22 |
Opi Nion

Ministri i Mbrojtjes Niko Peleshi  ka folur lidhur me vatrat e zjarreve në vendin tonë. Nga Erseka, ministri tha se vatra e zjarrit në Krastë të Krujës është serioze dhe se në zonë kanë shkuar 60 forca zjarrfikëse.

Peleshi theksoi se Ministria e Mbrojtjes dhe Bashkitë e vendit nuk do të marrin pushime gjatë verës, pasi do të jenë gjatë gjithë kohës në punë për të shmangur përkeqësimin e situatës me zjarret.

Më tej, ministri shtoi se forcave zjarrfikëse u janë shtuar dy javë më parë 16 mjete të reja zjarrfikëse, por do të aktivizohet së shpejti edhe një projekt prej 30 milionë euro me financime të Gjermanisë.

“Po hyjmë në ditët e  nxehta të verës dhe ashtu siç e kemi paralajmëruar fatkeqësisht do të jetë një verë po aq e nxehtë sa vera e vitit të kaluar, në mos më e nxehtë se vitin e kaluar, po ripërsëris apelin në radhë të parë ndaj komuniteteve dhe njësive vendore pasi ato janë përgjegjëse për të ruajtur dhe administruar territorin e tyre. Ka shumë rëndësi që të sinjalizojnë në kohë, bashkitë, shërbimin zjarrfikës sepse aty ku bashkitë apo komunitetet vendore kryepleqtë e fshatrave janë më bashkëpunues nuk kemi zjarre të mëdha sepse sinjalizohen në kohë. Aty ku flenë gjumë e dini si përfundon historia, kur flakët marrin malin kërkojnë helikopter. Ju bëj apel të gjithë kryetarëve të bashkive të jenë në krye të detyrës, nuk ka pushime për ketë vit për kryetarët e bashkive, as për forcat e armatosura as për ministrinë e mbrojtjes. Treçereku i vatrave të zjarrit janë fikur me ndihmën e bashkisë, zjarrfikësve dhe forcave të armatosura. Për momentin kemi një vatër serioze në Krujë, aty kanë shkuar 60 forca. Po punohet për të prerë një perimetër të gjatë të zjarrit që është krijuar nga era. I kemi marrë të gjitha masat, forca jonë ajrore, mekanizmi europian i mbrojtjes civile, marrëdhëniet bilaterale me vendet fqinje i kemi të aktivizuara për tu gjetur në momentin e duhur.  Forcat e armatosura janë hallkat e fundit nëse dështojnë bashkitë pra të gjitha hallkat, por s’mund të jetë kështu si funksionon deri tani, nuk mund të them që s’ka përgjegjshmëri nga kryetarët e bashkive por duhet dhe organizimi i tyre. Asnjë zjarr nuk merr përmasa të mëdha nëse ndërhyhet në kohë. Kur ndodhin emergjenca dhe fatkeqësi natyrore ndonjëherë dorëzohen edhe shtetet më të mëdha. E rëndësishme është të shmangim ato që mundet. Është e vërtetë që kanë nevojë për mjete por ne kemi shpërndarë për bashkitë 10 mil dollarë këtë vit për bashkitë për emergjencat civile. Para 2 javësh janë shpërndarë 16 mjete zjarrfikëse që janë mundësuar nga TAP për te gjitha bashkitë . Një program 30 milionë euro financuar nga qeveria gjermane do të aktivizohet së shpejti. Kur je në pikun e zjarreve nuk mjaftojnë kapacitetet që kanë shtetet, mekanizmi europian funksionon për BE dhe partnerët”,-the Peleshi./ Opinion.al

Pas