Duke marrë shkasë nga dokumentari ‘Narcotica’, Petrit Vasili rendit gjashtë fakte që sipas tij demaskuan qeverinë Rama.
Nëpërmjet një videoje të postuar në Facebook, numri dy i LSI, shkruan se dëshmitë e prokurorëve të Antimafies italiane tregojnë se krimi i organizuar në Shqipëri është i lidhur me strukturat shtetërore dhe se mbjellja e kanabisit nuk ka pësuar rënie por përkundrazi, kultivimi është rritur me disa herë më shumë.
Reagimi i plotë i Vasilit:
Ja faktet shume renda, te Antimafias italiane dhe Televizionit te mirenjohur italian RAI 3,qe demaskojne Qeverine e kriminalizuar te Edi Rames. (VIDEO).
Këtë vit, kanabisi po kultivohet në një të tretën e Shqipërisë.
Sasia e kanabisit këtë vit është pesë herë më e lartë se vitin e kaluar.
Krimi është zhvilluar për shkak të lirisë absolute që i është dhënë në Shqipëri.
Krimi ka kapur dhe ka mbështetje në të gjithë nivelet e qeverisjes.
Kriminelët e kërkuar në Evropë shëtisin të lirë dhe të pa shqetësuar në Shqipëri.
Paratë e fituara nga krimi pastrohen haptazi dhe pa problem në Tiranë. /Opinion.al
