Kronikë

Varianti zyrtar, si ndodhi ngjarja në Bllok. Faksimile


Bëhu pjesë e Grupit Zyrtar të Opinion.al
>> KËTU <<
               Publikuar në : 16:40 - 09/10/18 |
b.f

Policia e Tiranës ka përfunduar mbledhjen e provave për ngjarjen e rëndë të Bllokut dhe materiali është dorëzuar në Prokurori për hetime të mëtejshme. Një pjesë të këtij materiali zyrtar ka arritur ta sigurojë Opinion.al.

Janë shpallur në kërkim policor, Elvana Gjata, Geldo Hoti, Mevjol Bilo, Fabio Alushi dhe Ervin Mata.

Policia ka administruar dëshminë e pronarit të lokalit Redi Popesku, i cili ka deklaruar se “Ervin Mata dhe Mervjol Bilo kanë shkuar në lokal në orën 18:00. Më pas Mata ka dalë nga lokali ka takuar të dashurën Elvana Gjata dhe është kthyer i acaruar. Rreth orës 21:00 në lokal ka ardhur Ervis Martinaj së bashku me dy persona të tjerë dhe Ervis Martinaj ulet kokë më kokë me Ervin Matën. Personat që shoqëronin Ervisin ulen tek banaku. Më pas në lokal kanë hyrë dy persona të tjerë që konfliktohen direkt me Mervjol Bilon, duke e qëlluar me grushte. Kur kanë kërcitur plumbat, Redi Popesku thotë se është futur poshtë banakut dhe nuk ka parë se kush ka gjuajtur.

Ai thotë se është ngritur vetëm kur Ervis Martinaj i ka kërkuar ndihmë për ta çuar në spital. Në atë moment ka parë dhe viktimën dhe të plagosurin në lokal. Redi Popesku thotë se ka marrë një shishe Whisky, është ulur tek shkallët dhe aty ka pritur patrullën e policisë.

Po kështu është marrë dëshmia e taksistit që ka dërguar në spital Martinajn me të cilin thote se nuk ka shkembyer asnje fjale dhe vetem kur eshte larguar ka pare sediljen e gjakosur.

Në materialin e policisë përshkruhen me detaje të gjitha sendet që janë gjendur në vendin e ngjarjes dhe që do të ndihmojnë hetimin; si euro, makina, telefona, etj.

Më poshtë faksimilja e një pjesë të materialit të dorëzuar nga policia në prokurori, për ngjarjen e 4 tetorit, ku mbeti i vrarë Fabiol Gaxha, u plagos rëndë Eljon Hato dhe u plagos lehtë Ervis Martinaj.

/Opinion.al

Pas