Kryeministri Edi Rama ndodhet në Bruksel ku po mbahet samiti Bashkimi Europian-Ballkani Perëndimor. Kreu i qeverisë ka pasur një takim kokë më kokë me Komisionerin për Zgjerimin dhe Fqinjësinë, Olivér Várhelyi.
Ky i fundit, në një postim në platformën “X”, bën të ditur se pas përfundimit të procesit “screening”, Unioni është gati që të hapë negociatat e pranimit për Klasterin e parë.
Ky hap i radhës pritet të ndërmerret gjatë Konferencës së dytë Ndërqeveritare që do të mbahet brena këtij viti.
