Bota

Vala e të nxehtit në Angli/Ekspertja: Kujdes! Si të shmangni vdekjet nga i nxehti



Bëhu pjesë e Grupit Zyrtar të Opinion.al
>> KËTU <<
               Publikuar në : 19:30 - 16/07/22 |
Opi Nion

Njerëzit duhet të ndërmarrin hapa për të qëndruar të sigurt për të reduktuar numrin e vdekjeve të shkaktuara nga vala e të nxehtit, tha shkencëtarja e Agjencisë së Sigurisë Shëndetësore në Mbretërinë e Bashkuar.

Temperaturat mund të arrijnë 41C në Angli javën e ardhshme, ndërsa pjesa tjetër e Mbretërisë së Bashkuar mund të shohë gjithashtu rekord të ri.

Është shpallur një emergjencë kombëtare dhe është lëshuar paralajmërimi i parë i të nxehtit ekstrem të kuq në Mbretërinë e Bashkuar.

“Në këto temperatura jashtëzakonisht të larta të gjithë mund të preken,”-tha Prof Isabel Oliver.

E pyetur nëse mijëra njerëz mund të vdisnin në mot të nxehtë – siç është raportuar në gazeta, Oliver nuk pranoi të thonte një shifër.

“Është shumë e vështirë të parashikohet, por mund t’ju them se ne e monitorojmë këtë nga shumë afër,” tha ajo për programin Today të BBC Radio 4.

“Vitin e kaluar nuk arritëm temperatura afër atyre që parashikohen për javën e ardhshme, por patëm mbi 1600 vdekje të tepërta të lidhura me periudhën e valës së të nxehtit. Prandaj, kjo është arsyeja pse ne jemi të etur që të gjithë të dinë se çfarë mund të bëjnë për të qëndruar të sigurt.”

Paralajmërimi i kuq – niveli më i lartë – është për nxehtësinë ekstreme dhe mbulon një zonë duke përfshirë Londrën, Mançesterin dhe Jorkun, të hënën dhe të martën.

Është hera e parë që lëshohet që nga fillimi i sistemit të paralajmërimit për nxehtin, që do të thotë:

ekziston rreziku për jetën dhe rreziku i sëmundjeve të rënda, jo vetëm ndër më të rrezikuarit

njerëzit do të duhet të ndryshojnë rutinën e tyre të përditshme dhe praktikat e punës

mund të ketë ndërprerje në furnizimin me energji elektrike, ujin dhe madje edhe sinjalin e telefonit celular

rritje e rrezikut të incidenteve të sigurisë së ujit

vonesa në udhëtimet rrugore, hekurudhore dhe ajrore

Disa shkolla gjithashtu do të mbyllen në fillim të javës së ardhshme dhe disa takime në spital do të anulohen.

Pas