Aktualitet

Vaksina AstraZeneca, Bino: Në Shqipëri nuk ka pasur efekte anësore


Bëhu pjesë e Grupit Zyrtar të Opinion.al
>> KËTU <<
               Publikuar në : 18:05 - 16/03/21 |
Opi Nion

Teksa shumë vende në Evropë kanë pezulluar vaksinën AstraZeneca,  Shefja e Epidemiologjisë dhe Sëmundjeve Infektive në ISHP, Silva Bino, shprehet nga Durrësi se nuk ka të dhëna shkencore që konfirmojnë mpiksjen e gjakut tek njerëzit.

Ajo thotë se në vendin tonë, deri më tani vaksina nuk ka dhënë asnjë efekt anësor. Shefja e Epidemiologjisë dhe Sëmundjeve Infektive në ISHP, prof. Silva Bino, tha se nuk ka të dhëna shkencore që konfirmojnë lidhjen shkak-pasojë, në lidhje me efektet e vaksinës AstraZeneca.

“Edhe Agjencia Rregullatore e Mbretërisë së Bashkuar, që është një agjenci tepër strikte dhe që ka administruar me miliona doza apo agjencitë rregullatore të Kanadasë dhe Australisë që po e lejojnë vijimin e vaksinimit, janë agjenci të cilat japin një lloj sigurie më shumë. Por edhe gjatë procesit në vend, që nga e shtuna dhe deri tani, procesi ka ecur mirë, nuk ka pasur efekte anësore. Natyrisht që ka një lloj hezitimi nga gjithë publikimet që bëhen në media”, theksoi Bino.

Në Durrës ndodhej kryeministri Edi Rama dhe Ministrja e Shëndetësisë dhe Mbrojtjes Sociale, Ogerta Manastirliu të cilët kanë ndjekur nga afër procesin e vaksinimit të mësuesve në këtë qytet./ Opinion.al

Pas