Bota

Ursula Von der Leyen zgjidhet në krye të Komisionit Europian


               Publikuar në : 19:50 - 16/07/19 |
Al Do

Ursula Von der Leyen është konfirmuar nga Parlamenti Europian në postin e Presidentes së Komisionit Europian për pesë vitet e ardhshme. Kandidatja gjermane  ka marrë 383 vota në zgjedhjet e zhvilluara ditën e sotme në Bruksel.

Në fjalimin e mbajtur sot përpara europarlamentarëve ajo theksoi angazhimin e saj për investime në luftën kundër ndryshimeve klimatike, mbrojtjen e të drejtave të grave, arritjen e një marrëveshjeje me Britaninë e Madhe dhe një reformë gjithë përfshirëse përsa i përket mbrojtjes së kufijve të BE.

Ish-ministrja e mbrojtjes në Gjermani bëhet kështu e para grua në krye të Komisionit Europian. Kandidatura e saj u shoqërua me shumë debat në arenën europiane dhe kjo tregohet gjithashtu në rezultatin e ngushtë me të cilin ajo u konfirmua në detyrë. Për tu zgjedhur asaj i duheshin 374 vota pra e ka kaluar pragun me 9 vota më shumë. /Opinion.al

Pas