Bota

Çfarë do të thotë për BE fitorja e Ursula Von der Leyen


               Publikuar në : 20:38 - 16/07/19 |
Al Do

Ursula Von der Leyen do të zëvendësojë Jean-Claude Juncker më 1 Nëntor duke marrë kështu drejtimin për herë të parë nga një grua të Komisionit Europian, ose siç quhet ndryshe ekzekutivi i Europës.

Fitorja e saj me një diferencë të ngushtë, vetëm 9 vota mbi pragun e nevojshëm, tregon se ligjvënësit europianë kanë qenë të ndarë në mendimin e tyre për të zgjedhur një kandidate e cila erdhi si propozim nga një takim me dyer të mbyllura.

Megjithatë kjo është vetëm ajo që duket në pamje të parë pasi siç raportohet, votat pro ish-ministres së mbrojtjes në Gjermani kanë ardhur nga grupimet politike të Partisë Popullore Europiane, Socialdemokratëve dhe Liberalëve. Ky është një tregues se dy grupimet më të mëdha në PE, të cilat në fakt janë kundërshtarë ideologjikë, u bënë bashkë për të zgjedhur alternativën e Von der Leyen.

Pra Bashkimi Europian duket i vendosur të ndjekë axhendën sfiduese të Presidentes së re të Komisionit Europian. Në fjalimin e mbajtur në parlament ditën e sotme ajo ndërmori disa zotime sfiduese.

Së pari ajo tha se do të punonte për ti dhënë të drejtën Parlamentit për të propozuar nisma ligjore. Kjo do të ishte një reformë revolucionare pasi për momentin vetëm Komisioni mund të prezantojë drafte ligjesh.

Pika e dytë me rëndësi ku Von der Leyen u ndal ishte shtimi i forcës kufitare të Frontex në 10,000 individë deri më 2024, por tha ajo shtoi se “ne duhet të ruajmë të drejtën e azilit nëpërmjet korridoreve humanitare”.

Sa i përket të papunëve, propozimi i saj ishte për një skemë të re sigurimi që do të ndihmojë në nga brenda vendet anëtare për të dhënë më shumë ndihma për këtë kategori.

Megjithëse nuk u duk bindëse për të Gjelbrit në PE, premtimi i Von der Leyen për angazhimin në zbutjen e ndryshimeve klimatike. “Unë do të propozojë një bankë investimi të qëndrueshme në Evropë”, propozoi ajo për të zhbllokuar ndjeshëm më shumë investime në energjinë e rinovueshme dhe masa të tjera gjatë dekadës së ardhshme.

Ajo tha se synimi aktual i BE për të ulur emetimet e karbonit me 40% deri në vitin 2030 nuk ishte e mjaftueshme. “Qëllimi duhet të jetë 50%, nëse jo 55%”.

Së fundmi, zgjedhja e saj në krye të Komisionit Europian do të garantojë një shtyrje të afatit të Brexit për Britaninë, për ti lënë më shumë kohë kësaj të fundit në arritjen e një marrëveshjeje të brendshme. /Opinion.al

Pas