Gjykata e Posaçme ka lënë në burg 5 personat e arrestuar si pjesëmarrës në atentatin e 1 Nëntorit 2019, ndaj ish-prokurorit Arian Ndoja, Pëllumb Muharremit dhe shoferit Andi Maloku, i cili mbeti i vrarë.
Në burg janë aktualisht Genti Ndërjaku, Bashkim Haxhija, Marsel Deçka, Endrit Sinani dhe Juljan Pjetri për të cilët urdhrat e arrestit ishin firmosur në muajt nëntor dhe dhjetor të vitit 2022, por janë mbajtur sekret.
Ndërkohë Plarent Dervishaj, Ramazan Rraja, Julian Meçe dhe Dritan Shkëmbi, janë shpallur në kërkim si organizatorë të atentat mafioz. Autoritetet kanë patur dyshime që autorët mund të ktheheshin në Shqipëri dhe për këtë arsye nuk i kanë ekzekutuar urdhër –arrestet, por më pas kanë vendosur t’i ekzekutojnë ato./Opinion.al
