Aktualitet

Ulsi Manja: Dekretet e Metës i rrëzojmë në Kuvend


Bëhu pjesë e Grupit Zyrtar të Opinion.al
>> KËTU <<
               Publikuar në : 12:00 - 18/02/20 |
Al Do

Kreu i Komisionit të Ligjeve, Ulsi Manja ka deklaruar se Kuvendi do të rrëzojë dekretin e presidentit për kthimin e ndryshimeve në ligjin për gjykatën Kushtetuese në lidhje me betimin e gjyqtarëve.

Në  një prononcim për mediat nga Korça, Manja tha se deklaratat e Presidentit Meta ditën e djeshme ishin përpjekje për eklipsuar konferencën e donatorëve në Bruksel

Nëse presidenti në vazhdën e shumë ligjeve që nuk i dekreton dhe ja kthen përsëri kuvendit, kuvendi do të rrezojë dekretin e presidentit”, tha Manja.

Sa i përket shpërndarjes së Parlamentit, Manja u shpreh se kjo është një gjë absurde për tu menduar.

Presidenti është në një procedure shkarkimi ne kuvendin e Shqipërisë, është brenda afateve që ka përcaktuar kuvendi. Lidhur me shpërndarjen e parlamentit nga ana e presidentit, edhe në këtë rast Kushtetuta e ka bërë të qartë se në cilat raste shpërndahet parlamenti, është diçka absurde ta mendosh, besoj do te ishte shkelja më e rënde, atentati më i rëndë që mund ti bëhet kushtetutës së vendit”, u shpreh ai.

Më tej kreu i Ligjeve akuzoi Presidentin Meta se po luan rolin e opozitës dhe nuk përfaqëson më unitetin kombëtar

Ilir Meta sot është opozita e vendit, me sjelljen e vet politike po luan rolin e opozitës. Ne si mazhorancë për sa kohë do të jetë në atë funksion do e respektojmë si president i vendit por kjo nuk do të thotë që kuvendi mos analizojë dhe te trajtojë sjelljen e presidenti të republikës shkeljen e Kushtetutës. Nëse presidenti ka probleme të natyrës kushtetuese si cdo institucion, është i lirë ti drejtohet gjykatës Kushtetuese”, tha Manja.

Këtyre deklaratave, iu përgjigj më vonë zëdhënësi i Presidencës, Tedi Blushi i cili shkruajti në Facebook se Parlamenti do shpërndahet nga populli dhe paralajmëroi dekrete të reja. /Opinion.al

LEXO EDHE – “Do të ketë dekrete për shpartallimin të grushtit të shtetit”

Pas