Aktualitet

U tradhtua hetimi? 2 njerëz të një ish-ministri shkuan në zyrën e Klodian Zotos


Bëhu pjesë e Grupit Zyrtar të Opinion.al
>> KËTU <<
               Publikuar në : 12:19 - 15/12/21 |
Opi Nion

“Persona të afërt me një ish-ministër janë konstatuar në zyrën e biznesmenit Klodian Zoto, përpara se SPAK të vendoste masën “arrest me burg”, ndaj tij , ndërkohë që biznesmeni më pas ka kyçur zyrën dhe është larguar.”

Kështu është shprehur gazetarja Klodiana Lala, e cila bëri me dije se lidhur me çëstjen e inceneratorëve,  Oficerët e Policisë Gjyqësore dhe Operacionale pranë Policisë së Shtetit ishin caktuar t’i vëzhgonin të dyshuarit Zoto dhe Gugallja në distancë në mënyrë që këta të fundit të mos tjetërsonin dokumentet dhe provat dhe të largoheshin,  por askush nuk mund ta shpjegojë se si të dy arritën të zhdukeshin pa lënë asgjë gjurmë. Kjo situatë ngre pyetjen nëse operacioni për arrestimin e ish-ministrit dhe 2 biznesmenëve ishte i dekonspiruar.

Ditën e djeshme policia ushtroi kontroll në disa ambiente për të arrestuar biznesmenin Klodian Zoto dhe Stela Gugalljan, por nuk kanë rënë në gjurmët e tyre, ndërkohë që dy biznesmenët janë shpallur në kërkim.

Burimet bënë me dije se njerëz të afër me një ish-ministër janë konstatuar ditët e fundit në zyrën e biznesmenit Klodian Zoto, i cili është shpallur në kërkim tashmë mbi bazën e një urdhër arresti të firmosur nga SPAK dhe pas këtij momenti ai e kyçi këtë zyrë dhe u largua. Oficerët e Policisë Gjyqësore dhe Operacionale pranë Policisë së Shtetit ishin caktuar t’i vëzhgonin të dyshuarit Zoto dhe Gugallja në distancë nga frika se mos ata tjetërsonin dokumentet dhe provat dhe do të largoheshin, por askush nuk mund ta shpjegojë se si të dy arritën të zhdukeshin pa lënë asgjë gjurmë. Mbrëmjen e kaluar burime zyrtare të Policisë së Shtetit bënë me dije se kanë ushtruar kontroll në disa ambiente me shpresën për të arrestuar biznesmenin Klodian Zoto dhe Stela Gugalljan, por nuk kanë rënë në gjurmët e tyre. Kjo, sepse dyshimet janë që të paktën Klodian Zoto gjendet brenda territorit të Shqipërisë. Ndërkohë që ish-ministri i Mjedisit Lefter Koka vijon të mbahet në qelitë e paraburgimit në Policinë e Tiranës. I vetmi që e ka takuar z. Koka është avokati i tij Fatmir Braka, i cili nuk ka pranuar të flasë për mediat, duke deklaruar se gjithçka që ai në ka në raport me aferën e inceneratorëve do ta thotë në gjykatë në momentin që z.Koka do të dalë para Gjykatës së Posaçme”, raportoi Lala.

Për çështjen e inceneratorëve është arrestuar ditën e djeshme ish-ministri i mjedisit, Lefter Koka, i cili nesër pritet të dalë nesër para gjykatës për t’u njohur me masën e sigurisë./Opinion.al

Pas