Kronikë

Vrasja e biznesmenit Rakip Rroli/ Gjykata lë në burg babë e bir dhe mikun e tyre


Bëhu pjesë e Grupit Zyrtar të Opinion.al
>> KËTU <<
               Publikuar në : 12:22 - 15/12/21 |
Opi Nion

Gjykata e Kurbinit ka vendosur të lerë në masën e sigurisë “Arrest me burg”, deri në përfundim të hetimeve 3 të arrestuarit për vrasjen e biznesmenit Rakip Rroli.

Për të dyshuarit, Llej, Skënder Lika dhe mikun e tyre, Klajdi Gjegjaj (Beleshi), gjykata ka vendosur t’i lërë në burg pasi akuzohen për veprën penale “Vrasje me paramendim” e kryer në bashkëpunim.

Tre të dyshuarit u arrestuan nga policia një ditë pas ngjarjes, në zonën e Fushë-Milotit. 22-vjeçari Llej Lika ka thënë para policisë se ka qenë ai që e ka qëlluar biznesmenin, pasi djemtë dhe viktima e kanë dhunuar fizikisht.

Më tej i riu mohoi se babai dhe miku i tij kanë lidhje me vrasjen e biznesmenit.

Kujtojmë se Rroli u ekzekutua paraditen e 10 dhjetorit ndërsa po lëvizte me automjetin e tij të tipit “Audi Q7”.

Ngjarja ka ndodhur në dalje të Sanxhakut, pak metra pasi kishte dalë nga banesa e tij.

Dyshohet se autorët kanë vëzhguar lëvizjet e tij prej kohësh, ndërsa në momentin që ai po lëvizte drejt Mamurrasit, ata i kanë zënë pritë dhe kanë zbrazur kallashnikovin.

Fillimisht Rroli ka tentuar të largohet, por autorët kanë qëlluar edhe në pjesën anësore të automjetit derisa ai ka humbur kontrollin e mjetit dhe ka përfunduar në një kanal në anë të rrugës./Opinion.al

Pas