Aktualitet

U skualifikua nga gara, BKH: Gabim njerëzor i sekretarisë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:48 - 02/11/20 |
Al Do

Procesi i përzgjedhjes së anëtarëve të Byrosë Kombëtare të Hetimit u kundërshtua dy javë më parë nga 8 kandidatë të cilët pretenduan parregullësi dhe mungesë transparence pas fazës së testit fizik.

Pas ankesave, BKH ka rishikuar përgjigjet e testit ku sipas saj ka rezultuar se një nga kandidatët është skualifikuar “si pasojë e një gabimi njerëzor”.

Prej këtij rishikimi të dytë të proces-verbaleve rezultoi se, si pasojë e një gabimi njerëzor, një kandidat i vlerësuar me pikë të mjaftueshme kualifikuese është vendosur gabimisht në listën e të skualifikuarve në programin Excel gjatë përpunimit të të dhënave prej Sekretarisë Teknike. Si pasojë, kandidati nuk është ftuar në fazën tjetër të rekrutimit. Në këto kushte, dhe në përputhje me parashikimet e Rregullores, kandidati i përmëndur më lart i nënshtrohet Testit të Shkrimit të Esesë. Të gjitha rezultatet e tjera janë konfirmuar të sakta.”, thuhet në njoftimin e BKH-së.

Byroja Kombëtare e Hetimit është duke përmbyllur fazën e saj të rekurtimit të hetuesve të cilët do të ndihmojnë prokurorët e SPAK në hetimin e çështjeve. Ajo është parashikuar të ketë funksionojë sipas modelit të FBI-së në SHBA.

Rekrutimi i kandidatëve të BKH-së ka disa faza, që nga përmbushja e dokumentacionit, testi fizik, eseja e shkruar dhe makina e së vërtetës (poligrafi). Në fund të procesit do të përzgjidhen 60 anëtare. /Opinion.al

Pas