Aktualitet

U shkarkua nga KPK, Bejleri për komisionin:Gabime të rënda në analizën financiare


Bëhu pjesë e Grupit Zyrtar të Opinion.al
>> KËTU <<
               Publikuar në : 15:03 - 20/10/21 |
el ida

Komisioni i Pavarur i Kualifikimit ka shkarkuar sot nga detyra me shumicë votash, Manjola Bejlerin, gjyqtare pranë Gjykatës e Rrethit Gjyqësor Tiranë.

Në një reagim publik, gjyqtarja Bejleri e ka konsideruar të padrejtë vendimin, ndërsa tha se është në kundërshtim me ligjin dhe të gjitha provat e paraqitura sipas saj në proces.

“Ky vendim i marre me shumice votash nga KPK eshte haptazi i padrejte, ne kundershtim me ligjin dhe te gjithe provat e paraqitura. Relacioni i KPK ishte i mbeshtetur ne te paverteta, hamendesime dhe ne shifra te manipuluara e te dyfishuara qellimisht ne menyre flagrante. Une kam nje karrierë prej mbi dy dekadash si gjyqtare, kam gjykuar me mijëra çeshtje dhe e kam shume te qarte qe kam prekur dhe shume interesa”, deklaroi gjyqtarja.

Bejleri pohon se komisioni ka zhvillur seancën dëgjimore pa dosje përpara dhe se nuk i kishte lexuar prapësimet e saj. Sipas Bejlerit komisioni ka patur gabime të rënda në analizën financiare që i është bërë gjyqtares.

“Nga zhvillimi i seances degjimore u duk qarte qe komisioni nuk i kishte lexuar e studiuar fare prapesimet e mia dhe ato dhjetera prova te paraqitura nga une rishtazi, qe evidentonin gabimet e renda te tyre per analizen time financiare. Nje komision qe zhvillon seance degjimore prej disa oresh, pa dosje perpara dhe pa bere asnje pyetje te vetme, tregon qarte qe vendimi ishte i paracaktuar.  Ky vendim nuk e cenon aspak dinjitetin dhe integritetin tim profesional, por me vjen keq qe i gjithe kontributi im i dhene prej shume vitesh per te drejten dhe Reformen ne Drejtesi, te gjykohet nga nivele dhe ne standarte te tilla. Kam luftuar gjithmone per te drejten dhe do te vazhdoj ta bej”, deklaron gjyqtarja./Opinion.al

Pas