Ish-kryeministri Sali Berisha do të nisë një tur takimesh me demokratët në të gjithë vendin.
Lajmin e ka dhënë vetë nëpërmjet një postimi në “Facebook”, ku shkruan se turi do të nisë pasditen e nesërme, e enjte 16 shtator nga Tirana.
Më tej ai thotë se turi është i konceptuar si një bashkëbisedim për një Parti Demokratike më të bashkuar, më të fortë dhe më të hapur.
“Te dashur miq, Ditën e enjte më datë 16 shtator ora 18:00 nisim ciklin e “Foltores për një Parti Demokratike më të bashkuar, me te forte dhe me te hapur”
Foltorja do te jete një bashkëbisedim me demokratë dhe demokrate qe nis ne Tirane dhe do udhëtoj ne mbare vendin. Jeni te mirëpritur!”, deklaron Berisha.
Berisha u përjashtua nga grupi parlamentar i PD për shkak të shpalljes non grata nga DASH dhe qëndrimeve të ambasadës amerikane në Tiranë./Opinion.al
