Ministri i financave Arben Ahmetaj ka dalë sot përpara mediave duke u përpjekur të japë një shpjegim lidhur me raportin e Departamentit Amerikan të Shtetit, që mbante tone kritike duke e konsideruar jo të favorshme klimën për investimet e huaja në Shqipëri.
“Investitoret e huaj përmendin korrupsionin, veçanërisht në gjyqësor, mungesën e transparencës në prokurimin publik dhe zbatimin e dobët të kontratave si probleme të vazhdueshme në Shqipëri”, thuhej në raport.
Ndonëse është referuar këtij raporti, Ministri i Financave Ahmetaj duket se nuk ka shpjeguar në detaje cilësimet e këtij raporti, por ka sjelle thjesht nje analize, qe dukej se i anashkalonte cilesimet e raportit, pa mundur t’i mohoje ato.
“DASH tërheq vëmendjen për prokurorimet publike. Unë dua t’ju sjell një statistikë të fundit për reduktimet e negocimeve pa shpallje. Në vitin 2018 negociimet pa shpallje kanë rënë me 8% dhe përfaqësaon vetëm 3 përqind të vlerës totale”, tha Ahmetaj, por duke mos shpjeguar se krahasuar me cilin vit referohej kjo rënie, po të kemi parasysh edhe faktin, që tashmë qeverisja socialisiste është në mandatin e saj të dytë.
“Raporti thekson domosdoshmërinë e klimës së biznesit dhe tërheqjes së invenstimeve të huaja. Në raport ka referenca për korrupsionin në drejtësi. Një nga paragrafët e raportit i referohet korrupsionit në drejtësi si një nga problemet kryesore të prishjes së të bërit biznes.
Nëse do të implementohet tërësisht, reforma në drejtësi do të promovojë invenstimet e huaja, do largojë korrupsionin dhe do lërë Shqipërinë të konkurrojë në ekonominë botërore.
Kjo është një thirrje për të gjithë ata që tentojnë të pengojnë Vettingun apo reformën në Drejtësi. Ata vendosen kundër interesave qytetare. Është kjo qeveri që ka inicuar dhe po mbështet me të gjithë instrumentat implementimin e reformës në drejtësi.
Ka plot problem e çështje për t’u përmirësuar në ambientin ekonomik shqiptar. Dua të tërheq vëmendjen te mjedisi politik e siguria. Sot violenca politike është e rrallë. Zgjedhjet në vitin 2017 ishin të qeta, si rrallë më parë.
DASH sjell në vëmendje vrasjen e protestuesve në vitin 2011. Për më tepër DASH vë theksin tek prokurimet publike dhe PPP. Partneriteti Publik Privat stigmatizohet, përdoret në të gjithë botën, nuk u shpik në Shqipëri,” tha Ahmetaj
Ai vijoi më tej me çështjen e tenderimeve, ku edhe pse i dha të drejtë sërish raportit të cilin e cilësoi shumë shumë të saktë, solli sërish për krahasaim kontrata rrugësh të para viteve 2012, ndërkohë që raporti i referohej viteve të fundit.
Raporti i DASH
