Gjykata e Tiranës ka caktuar këtë të hënë masën e sigurisë “arrest me burg me afat 35 ditor” për efektivin e RENEA-s, Xhuljo Liçi, që u kap pak ditë më parë me 1 kg kokainë.
Ndërkohë mësohet se është caktuar masa e sigurisë “arrest me burg” për të arrestuarin tjetër, Dedë Nimani, ndërsa është lënë në “arrest shtëpie” Luan Gaçi.
Kujtojmë se efektivi i RENEA-s u kap në makinë bashkë me dy personat e tjerë, ndërsa në momentin që ndërhyri policia, ata hodhën një pako me kokainë.
Ndërkohë në dëshminë e dhënë para autoriteteve Ded Nimanit, tha se shiste drogë për arsye ekonomike, por sipas tij, dy të arrestuarit e tjerë nuk dinin gjë për këtë dhe ndodheshin rastësisht me të./Opinion.al
