Këngëtari i njohur grek, Notis Sfakianakis, i arrestuar mbrëmjen e djeshme ka dalë sot para autoriteteve.
Ai ka deklaruar se armën e mbante sepse ishte në rrezik. “Armën e kam me vete sepse jam në rrezik. Dokumentet e licencës kishin skaduar dhe nuk ishin rinovuar”, ka thënë këngëtari.
LEXO EDHE: Armë dhe drogë në makinë, arrestohet këngëtari Notis Sfakianakis
Ndërsa për posedimin e kokainës, këngëtari nuk ka dhënë shpjegime të mjaftueshme.
Sfakianakis u arrestua rreth orës 20:00 të së dielës, ndërsa ishte plotësisht bashkëpunues me policinë dhe nuk bëri rezistencë.
Gjatë një kontrolli rutinë për masat anti-COVID, policia ndaloi rastësisht makinën luksoze të këngëtarit, ku u gjet një armë zjarri dhe një sasi e vogël kokaine.
Këngëtari u transferua në stacionin policor Argyroupoli, ku ndaj tij u regjistrua çështja për drogë dhe armëmbajtje pa leje. /Opinion.al
