Kronikë

U kap me drogë në Angli, 26-vjeçari shqiptar:Isha në gjakmarrje, nëna është e sëmurë



Bëhu pjesë e Grupit Zyrtar të Opinion.al
>> KËTU <<
               Publikuar në : 17:32 - 27/07/22 |
Opi Nion

Një 26-vjeçar shqiptar tentoi të arratisej nga policia britanike duke kaluar çatitë e disa shtëpive pasi iu gjet një shtëpi bari.

Sipas mediave vendase, gjithçka u zbulua mëngjesin e 14 majit të këtij viti, kur oficierët e policisë nga ekipi i krimit të organizuar në Swansea ekzekutuan një urdhër kontrolli në një shtëpi pranë “Palace Theatre”.

Fillimisht oficerët u pozicionuan rreth shtëpisë dhe më pas u detyruan të hynin nga dera e përparme kur panë që i riu shqiptar po arratisej nga çatia.

Pas disa minutash ndjekje nga policia, shqiptari tashmë i identifikuar si Geraldo Xixi, u arrestua në një pronë të High Street.

Nga kontrolli i bërë në shtëpinë në rrugën “Prince of Wales, policia zbuloi një dhomë në katin e poshtëm, dy dhoma gjumi dhe papafingo, që ishin shndërruar në një vend të përshtatshëm  për rritjen e kanabisit, brenda të cilave u gjetën 130 bimë. Muret e dhomave ishin të veshura me plastikë, të pajisura me llamba, ventilatorë, kanale dhe kohëmatës.

Ndërkohë, në disa dëshmi thuhej se një dhomë ishte përdorur për tharjen e kanabisit dhe  se në kuzhinë kishte rezerva plehërimi dhe se matësi i energjisë elektrike ishte anashkaluar.

Ndërsa inxhinierët nga Wester Power pasi shkuan në vendngjarje, konstatuan se rruga ishte gërmuar më parë dhe kablloja kryesore e energjisë elektrike ishte futur direkt në të, dhe rruga më pas ishte rihapur. Në dëshminë e tyre thuhet se kablloja kryesore tregonte shenja ekstreme të mbinxehjes, dhe se ngatërrimi i furnizimit mund të kishte shkaktuar vdekje të njerëzve.

Sipas avokatit të Gerardo Xixit, ekspertët kanë arritur në përfundimin se kjo shtëpi droge me 11 kilogramë kanabis arrin një vlerë shumicë deri në 57.000 Paund ndërsa në treg pakice kap një vlerë shumë më të lartë.

Në një intervistë të mëvonshme, Xixi deklaroi se ishte viktimë e një gjakmarrjeje dhe se erdhi në Angli për të punuar në ndërtim nga persona të cilët e dinin historinë e tij familjare, ku babai i tij kishte vrarë një burrë në qytetin e tyre. Ai tha se kishte qenë në Angli që nga dhjetori i vitit të kaluar dhe se paguhej 100 paund në javë.

Por, pas hetimeve të bëra nga Home Office, rezultoi se 26-vjeçari shqiptar nuk ishte viktimë e trafikimit, siç ai pretendonte. Avokati tha se Xixi kishte familje në Mbretërinë e Bashkuar dhe se kishte qenë i lirë të vinte e të shkonte. Po ashtu thuhet se ai kishte telefona që mund t’i përdorte.

Geraldo Xixi ishte shpallur më parë fajtor për prodhimin e kanabisit, kur u paraqit në bankën e të akuzuarve për dënim.

Sipas prokurorit, i riu shqiptar nuk ka asnjë dënim të mëparshëm në Mbretërinë e Bashkuar, ndërsa pritet përgjigje nga autoritetet shqiptare për ndonjë dënim të mundshëm në këtu.

Geraldo Xixi kishte studiuar për menaxhim biznesi në Shqipëri por i kishte lënë përgjysmë për shkak se nëna e tij ishte sëmurë, arsye kjo që çoi në ikjen e tij drejt Anglisë. I riu shqiptar pasi pranoi fajësinë u dënua me 12 muaj burg.

Pas