Zgjedhja e Sandër Simonit dhe Klodian Kurushit si anëtarë për në Gjykatën e Lartë e la GJKKO-në me vetëm 6 anëtare, teksa kujtojmë se Simoni mbante edhe pozicionin e kreut të Gjykatës Kundër Korrupsionit dhe Krimit të Organizuar.
Ndërkohë që sot në GJKKO u zhvillua procesi i votimit për zgjedhjen e Zëvendës Kryetarit të kësaj Gjykate. E pranishme ishte edhe Kryetarja e Këshillit të Lartë Gjyqësor, Znj. Naureda Llagami.
Ndërmjet 2 kandidaturave, Irena Gjoka dhe Iliriana Olldashi, znj. Gjoka u zgjodh në pozicionin e zëvendëskryetares të Gjykatës së Posaçme të Shkallës së Parë për Korrupsionin dhe Krimin e Organizuar. Bëhet me dije se në bazë të ligjit ajo do të kryejë edhe detyrën e drejtueses së GJKKO-së pasi për momentin ky pozicion është vakant./Opinion.al
