Familjes së një babai që u dënua gabimisht për vrasje i është kërkuar falje nga policia 70 vjet pasi ai u ekzekutua në një burg britanik.
Mahmood Mattan, një somalez britanik dhe ish-detar, u var në vitin 1952 pasi u dënua për vrasjen e shitëses Lily Volpert në dyqanin e saj në Cardiff.
Dënimi i tij ishte referimi i parë i Komisionit të Shqyrtimit të Çështjeve Penale që u anulua në Gjykatën e Apelit në vitin 1998.
Policia e Uellsit të Jugut ka kërkuar falje dhe ka pranuar gabimet.
“Ky është një rast i kohës kur racizmi, paragjykimi kishin qenë të përhapura në të gjithë shoqërinë, duke përfshirë sistemin e drejtësisë penale,” tha shefi i policisë, Jeremy Vaughan.
“Nuk ka dyshim se Mahmood Mattan ishte viktimë e një dështimi të drejtësisë si rezultat i një ndjekjeje të gabuar, pjesë e së cilës ishte qartësisht policia. Është e drejtë që në emër të policisë të kërkohet falje për atë që shkoi kaq keq në këtë rast 70 vjet më parë dhe për vuajtjet e tmerrshme të familjes së zotit Mattan dhe të gjithë atyre që u prekën nga kjo tragjedi për shumë vite”.
Gruaja e Mattan, Laura dhe tre djemtë e tyre David, Omar dhe Mervyn, i cili njihej gjithashtu si Eddie, bënë fushatë për 46 vjet pas ekzekutimit të tij për të pastruar emrin e tij.
Ata kanë ndërruar jetë tashmë, dhe ndërsa familja mirëpriti një kërkim falje, një nga gjashtë nipërit e tij e ka quajtur atë “të pasinqertë”.
“Është tepër vonë për njerëzit e prekur drejtpërdrejt pasi ata nuk janë më me ne dhe ende nuk kemi dëgjuar fjalët na vjen keq”, tha mbesa Tanya Mattan.
Familja Mattan mori dëmshpërblim nga Zyra e Brendshme në vitin 2001, por kurrë nuk kishte kërkuar falje nga forcat e policisë deri më tani.
Detektivët nga Policia e qytetit të Cardiff-it hetuan vrasjen brutale të zonjës Volpert brenda biznesit të saj më 6 mars 1952. Gruas i ishte prerë fyti ndërsa nëna, motra dhe mbesa e saj ndodheshin në dhomën tjetër të pronës në zonën e vjetër të Tiger Bay të Cardiff-it./Opinion.al
