Lucero Guadalupe Sanchez Lopez përshkroi marrëdhënien e saj të dashurisë jashtëmartesore me zotin e drogës meksikan Joaquin Guzman dhe arratisjen e tij nga autoritetet përmes një tuneli nëntokësor gjatë një dëshmie shpërthyese në gjyqin El Chapo që po zhvillohet në Nju Jork.
Dashnorja njëherësh ish politikane tha se ajo e gjeti veten duke u arratisur me El Chapo dhe njerëz të tjerë në 2014 nga një shtëpi që ishte zbuluar nga marinsat meksikan, duke treguar në një sallë të mbushur me njerëz se zoti i drogës “ishte i zhveshur” gjatë arratisjes së tij.
“Ai u largua duke vrapuar, ne na la pas.” tha ajo.
“Jam e hutuar, sepse mendova se ishim në një marrëdhënie romantike”, tha ajo në fillim të dëshmisë së saj para se të fillonte të qante dhe të kishte nevojë për një pushim për të qetësuar veten. Më vonë, ajo tha për Guzman, “Ndonjëherë unë e doja atë dhe nganjëherë jo.”
Për Sanchez, problemet filluan kur El Chapo e caktoi atë për të blerë marihuanë për të, me udhëzime për gati 400 kg për çdo aeroplan që përdorte për ta transportuar atë nga fshati. Prokurorët treguan se juria kishte kapur tekste ku çifti thërrisnin njëri tjetrin “dashuri” kur ata bënin plane se si duhej të lëviznin drogë, edhe pse disa nga mesazhet e Guzmanit dukeshin më kërcënuese.
Gjatë arratisjes së vitit 2014, Sanchez dëshmoi se Guzman e çoi atë në një banjë ku vaska u ngrit për të ekspozuar një derë të fortifikuar të tunelit të errët dhe të lagësht të ujërave të zeza. Ajo u pyet për sa kohë qëndroi në tunel. “Aq sa për t’u traumatizuar,” tha ajo.
Gjatë kohës që dashnorja e bashkëshortit fliste për këto ngjarje, gruaja e El Chapos buzëqeshte me ironi./Opinion.al
Burimi: The Independent
