-Jetë dhe Stil

Turizëm virtual, ideja e vecante e agjencisë për ti mbijetuar krizes


Bëhu pjesë e Grupit Zyrtar të Opinion.al
>> KËTU <<
               Publikuar në : 22:07 - 18/04/20 |
Al Do

Pandemia vdekjeprurëse e koronavirusit ka shkatërruar Italinë. Javët e izolimit dhe karantinës për të frenuar përhapjen e virusit kanë shënuar mbylljen e shumicës së bizneseve dhe industrina e turizmit, e cila ofron 1.54 milion vende pune, po vuan pasoja të mëdha.

Sidoqoftë, një kompani turistike me qendër në Firence po lufton koronavirusin me fillimin e një fushate të quajtur, “Rihapja e Italisë”.

Rose Magers është themeluesja e agjencisë së udhëtimit Artviva, një kompani që zhvillon ture dhe aktivitete interesante në kryeqytetin e rajonit të Toskanës. Ajo po zhvillon fushatën, që synon të mbledhë 50,000 € për të ndihmuar personelin e saj të qëndrojnë të punësuar, të krijojë eksperienca kulturore virtuale dhe të paguajë për kërkime dhe trajnime për ekspertët e fushatës.

Fushata do të zgjasë deri në 22 maj, dhe Magers tashmë ka filluar projektin e parë, Masterclass-at.

Klasat master do të drejtohen si seminare virtuale, të cilat do t’i lejojnë audiencës ndërkombëtare të shikojnë disa nga kryeveprat kulturore të Italisë duke bashkëvepruar me prezantuesin. Ndër ekspertët e caktuar për projektin është Maurizio Seracini, një ekspert i artit italian, i cili përdor skanimin jo-invaziv të pikturave, për të parë veprat origjinale të fshehura nën të.

Një tjetër italian që do të tërheqë bashkëveprojë me audiencën në internet është Konti Niçolo Capponi, një historian nga një prej familjet më të vjetra të Firences. ‘Askush nuk e njeh më mirë Firencen, sepse ai njeh çdo thashethem që nga shekulli i 13-të,’-  thotë Magers.

‘Tani … ne mund të vizitojmë virtualisht  Muzeun e Luvrit, vendin ku lindi Da Vinci, ‘me ekspertë që do t’u përgjigjen të gjitha pyetjeve tuaja,’  thotë Magers, duke shtuar se kjo eksperiencë do të ofrohet si në grup ashtu edhe në privat.

Përvojat virtuale që synojnë tregun aziatik përfshijnë një masterclass (mësim I drejtpërdrejtë i një mësuese të njohur me qindra ‘nxënës’) me një redaktore mode nga Vogue Milano, e cila do të ofrojë një përvojë personale të blerjeve; një mundësi për të qenë dizajner për një ditë në një studio të vërtetë dizajneri; dhe një përvojë me një futbollist të njohur në Milano.

Magers thotë se është e rëndësishme që masterclass-at të jetë të drejtpërdrejta, duke lejuar ndërveprimin në kohë reale, dhe shpreson se ato mund të çojnë në zhvillime pozitive në të ardhmen.

‘Ne do të mësojmë nga reagimet e klientëve dhe do të zhvillojmë çdo ashtu siç njerëzit duan. Mendoj që ne do t’i vazhdojmë këto përvoja virtuale edhe pasi Italia të hapet,’ u shpreh Magers.  / Opinion.al

Pas