Presidenti i Shteteve të Bashkuara të Amerikës, Donald Trump ka zhvilluar një bisedë telefonike me homologun e tij turk, Reçep Tayyip Erdogan.
Lajmi është konfirmuar nga Trump, i cili përmes një shkrimi në platformën Truth Social, ka ndarë disa detaje nga telefona e zhvilluar mes tyre.
Ata i kanë bërë ftesë njëri-tjetrit për vizita, gjë që është pranuar prej të dy ata, por ende nuk ka detaje lidhur me ndonjë datë të mundshme.
Trump është ndalur edhe te lufta midis Rusisë dhe Ukrainës, duke e cilësuar si qesharake, por vdekjeprurëse, e se mezi pret t’i japë fund me ndihmën e Erdogan.
“Kisha një bisedë telefonike shumë të mirë dhe produktive me Presidentin e Turqisë, Recep Erdogan, lidhur me shumë subjekte, duke përfshirë luftën me Rusinë e Ukrainën, të gjitha me Sirinë, Gazën, e shumë më tepër. Presidenti më ftoi që të shkoja në Turqi në një datë të afërt, sikurse dhe ai do të vijë në Uashington. Përgjatë 4 viteve si President, marrëdhënia ime me Presidentin Erdogan ishte e shkëlqyer. Ne kemi punuar së bashku në shumë gjëra, duke përfshirë dhe faktin që ai ndihmoi në rikthimin e Pastorit Andreë Brunson në Shtetet e Bashkuara, i cili ishte i burgosur, menjëherë pas kërkesës time. Në çdo rast, mezi pres të punoj me Presidentin Erdogan për të përfunduar luftën qesharake por vdekjeprurëse, tani”, shkruan Trump në platformën e tij.
