Donald Trump tha këtë të mërkurë se SHBA është shfrytëzuar nga “mashtues” dhe është “plaçkitur” nga të huajt ndër vite dhe kjo është arsyeja kryesore se përse ai ka vendosur të hakmerret me tarifa doganore ndaj vendeve që Uashingtoni ka marrëdhënie tregtare, përfshirë dhe Bashkimin Europian.
Për këtë të fundit ai theksoi se tarifat doganore do të rriten në 20%, ndërsa për Mbretërinë e Bashkuar në 10%. Për presidentin republikan defiçiti tregatr me këto vende është i patolerueshëm.
Nga Kopshti i Trëndafilave në Shtëpinë e Bardhë ,presidenti republikan tha se do të vendosë një tarifë doganore 25% mbi të gjitha automjetet e prodhuara jashtë shtetit, e cila do të hyjë në fuqi që nesër.