Presidenti i Shteteve të Bashkuara Donald Trump ka përshëndetur shkurtimin e stafit të një prej revistave më të vjetra dhe më të famshme në Shtetet e Bashkuara.
The Atlantic u detyrua të shkurtojë 20% të stafit të saj si pasojë e krizës së pandemisë së koronavirusit për të shpëtuar nga falimentimi.
“Lajme të shkëlqyera: Revista e mërzitshme, por shumë e keqe, The Atlantic, po dështon me shpejtësi dhe sapo është detyruar të njoftojë se po pushon të paktën 20% të stafit të saj në mënyrë që të mbijetojë në të ardhmen. Kjo është një kohë e vështirë për të qenë në biznesin e Fake Neës!”- ka shkruar Presidenti Trump në Twitter.
Great News: The boring but very nasty magazine, The Atlantic, is rapidly failing, going down the tubes, and has just been forced to announce it is laying off at least 20% of its staff in order to limp into the future. This is a tough time to be in the Fake News Business!
— Donald J. Trump (@realDonaldTrump) May 27, 2020
The Atlantic u themelua në Boston në 1857, 162 vjet më parë. Ajo është cilësuar si një nga revistat më prestigjoze në gjuhën angleze dhe në vitin 2016 u shpall gazeta e vitit në SHBA.
Komentet e presidentit Trump vijnë pas qëndrimit kritik që revista ka mbajtur ndaj tij gjatë mandatit presidencial. Për këtë fakt duket se ai e ka cilësuar “lajm të shkëlqyer” daljen si të papunë të një pjese të stafit të saj. Por këto komente të presidentit kanë marrë shumë kritika, kryesisht nga gazetarët të cilët e akuzojnë atë se po përshëndet shtimin e numrit të papunësisë.
Që prej fillimit të pandemisë rreth 40 milionë amerikanë kanë humbur punën si pasojë e mbylljes. /Opinion.al
