Politikë

I shpëndau lëpirëse mazhorancës, Kuvendi përjashton 10 ditë Ralf Gjonin


Bëhu pjesë e Grupit Zyrtar të Opinion.al
>> KËTU <<
               Publikuar në : 10:18 - 27/05/20 |
Al Do

Byroja e Kuvendit ka vendosur për të përjashtuar 10 ditë deputetin Ralf Gjoni për thyerje të etikës parlamentare pasi në seancën e fundit nxorri lëpirëse nga xhepi dhe i quajti deputetët e mazhorancës “lëpirësa lolipopi”.

Në fjalën e tij në Kuvend, deputeti Gjoni shprehu indinjatën e tij për prishjen e godinës së teatrit dhe në një moment quajti deputetët e mazhorancës lëpirësa dhe nxorri nga xhepi disa lëpirëse të cilat i la në foltoren e Kuvendit.

 “Bravo Rudine. Nga ato që erdhëm vjet kemi mbetur shumë pak me atë mendje. Jemi përpara shtetit të fadromës dhe shtetit të buldozerit. Kjo mazhorancë nuk ka më integritet përpara popullit që pas shembjes së godinës së Teatrit. Nuk mundet ta shuaj dhimbjen e madhe të popullit asnjë injorant që ka ardhur në qytet dhe e quan atë godinë tallash. Nuk e pranoj si tiranas diçka të tillë. Ai është celenit o injorantë, o injorantë, që përdorët në studiot më të shtrenjta. Suedezët mburren me godinat me baltë. Çdo komb krenohet me historinë e tij. Të huajt i kanë si godina lepujsh, por i ruajnë, i promovojnë. Çfarë lloj speciesh jeni mor? Lëpirsa lolipopi,(nxjerr lëpirëset nga xhepi)”, u shpreh Gjoni në seancën parlamentare të 21 majit.

Pas këtij veprimi reagoi kryeparlamentari Gramoz Ruçit, i cila fillimisht i ndërpreu fjalën me pretendimin për etikën, ndërsa më pas i tha: “Në dash mbaj në xhep në dash mbaj në gojë është e drejta jote. Ajo që nxorre nga goja nuk është në etikën parlamentare. Në dash fute në goje në dash në xhep. Koha e debatit është për arsye tjetër. Nëqoftëse ke diçka gjë për komisionin zgjedhor të zgjedhjes atëherë flisni.”

Menjëherë pas vendimit për përjashtim me 10 ditë nga punimet e Kuvendit, deputeti Gjoni ka reaguar në Facebook ku thotë se pavarësisht këtij veprimi nga partia mëmë, siç e quan ai,  nuk mund t’ia mbyllin dot gojën.

Reagimi i Ralf Gjonit

Shërbimet e partisë mëmë më kanë përjashtuar dje për 10 ditë nga aktivitetet e Kuvendit, për të dytën herë. Vetëm e vetëm se kanë frikë nga e vërteta mbi teatrin e korrupsionit!

7 gra deputete socialiste i janë bindur kokëulur urdhrit të Gramoz Ruçit dhe Taulant Ballës duke kërkuar ‘internimin’ tim, sepse duan të fshehin të vërtetën. Produkte të denja listash partiake.

Kuvendi kontrollohet sot prej provincializmit intelektual nën diktatin e mullarit të kashtës që teatri kombëtar u duket si kuti tallashi.

Jam përjashtuar sepse kërkova të parashtroja disa pyetje mbi transparencën e shembjes së Teatrit ndaj Komisionerit për të Drejtën e Informimit Besnik Dervishi ashtu siç më jep të drejtë Pika 7 e Nenit 103 të Rregullores së Kuvendit.

Pyetjet mu kërkuan të ngriheshin nga një grup organizatash të shoqërisë civile drejtuar nga Qendra ResPublica e cila mbetet kritike ndaj aktivitetit klientelist të Komisionerit (gjoja të pavarur).

Nuk mund të ketë etikë normale e as ulje koke përballë kësaj arrogance diabolike që po shkatërron të ardhmen tonë të përbashkët. Vetëm denoncime dhe lolipop do kenë.

Këta që sot duhet të ishin në burg, sot flasin për etikë parlamentare ndërkohë që i kanë futur kazmën drejtësisë dhe fadromën pasurive kombëtare.

Ndaj unë do vazhdoj të ulëras pa pushim e pa kompromis për këtë padrejtësi që po i bëhet Shqipërisë derisa çdo shqiptar i pavarur e i ndershëm të më bashkohet në betejën për t’a shporrur këtë kastë të korruptuar drejt burgut! /Opinion.al

Pas