Bota

Trump iu përgjigjet akuzave: Nuk kam asnjë kockë raciste në trupin tim


               Publikuar në : 08:34 - 17/07/19 |
el ida

Presidenti i SHBA-së, Donald Trump, ka insistuar se nuk është racist, pas sulmeve të tij në Twitter, ndaj katër kongresmeneve amerikane, të cilave iu kërkoi të “kthehen” në vendet nga të cilat ato “kanë ardhur”, duke ngjallur një zemërim të gjerë në mesin e demokratëve.

Presidenti nuk i përmendi në mënyrë direkte gratë në postimet e tij në Twitter, por konteksti e bëri të qartë lidhjen me to.

“Nuk kam asnjë kockë raciste në trupin tim”, tha presidenti Trump.

Ndërkohë, Dhoma e Përfaqësuesve miratoi një rezolutë në të cilën dënon deklaratat e Trumpit si “komente raciste, që kanë legjitimuar frikën dhe urrejtjen ndaj amerikanëve të rinj dhe atyre më ngjyrë”.

Katër republikanë dhe një kongresmen i pavarur u bashkuan me 235 ligjvënës demokratë, të cilët kanë shumicën në Dhomën e Përfaqësuesve, në mbështetje të rezolutës./Opinion.al

 

 

Pas