Presidenti meksikan Andres Manuel Lopez Obrador ka refuzuar ofertën e homologut Trump për të luftuar kartelet e drogës.
Sipas Obrador një nismë e tillë ishte ndërmarrë edhe nga presidentët e tjerë meksikanë, por nuk kishte funksionuar, ndaj falenderoi presidentin amerikan për ofertën, por nuk mendonte se i duhet ndihma e Shteteve të Bashkuara.
“Nuk mendoj se kemi nevojë për ndërhyrjen e një qeverie të huaj për t’u përballuar me këtë çështje”, tha Lopez Obrador.
Presidenti Trump shkroi në Twitter se SHBA ishte gati të ndihmonte Meksikën në mënyrë që të dyja vendet ti shpallnin luftë karteleveve të drogës dhe t’i fshinin ato nga faqja e dheut.
“Nëse Meksika ka nevojë ose kërkon ndihmë për të spastruar këto monstra, SHBA është gati për ta bërë këtë punë shpejt dhe saktë. Kartelet janë bërë kaq të fuqishme sa ndonjëherë duhet një ushtri për të mposhtur një ushtri. Është koha që Meksika, me ndihmën e Shteteve të Bashkuara, të shpallë luftë ndaj karteleve të drogës dhe t’i fshijë nga faqja e dheut”, shkroi ai pas ngjarjes së rëndë ku 9 anëtarë të një familjeje, shtetas amerikanë dhe meksikanë, u vranë në një pritë./Opinion.al
