Një makinë ka shpërthyer mëngjesin e sotëm pranë Kopshtit Botanik në Tiranë. Automjetit i kanë vendosur tritol, ndërsa fatmirësisht nuk ka persona të lënduar.
Në vendngjarje kanë shkuar forca të shumta policie, të cilat kanë rrethuar zonën dhe kanë nisur hetimet. Mësohet se automjeti tip Volkswagen ka qenë i parkuar në momentin që shpërtheu. Policia tha se pronari i mjetit është pronar i një firme inertesh me emrin, Ndok Rajta.
Njoftimi i policisë së Tiranës
Me datë 30.11.2017, rreth orës 09:45, në Sallën Operative ka ardhur një telefonatë se tek Liqeni artificial ka shpërthyer një mjet.
Menjehër në vendngjarje kanë shkuar shërbimet e Policisë ku nga veprimet paraprake ka rezultuar se:
Tek Liqeni artificial, në rrugën dytësore ka shpërthyer një mjet i parkuar me targë AA946EF tip Volkswagen, në pronësi të shtetasit N.R., 42 vjeç, administrator i një firme inertesh.
Si pasojë ka vetëm dëme materiale. Grupi hetimor po kryen veprimet për zbardhjen e plotë të ngjarjes.
