Kryetari i Bashkisë së Matit, Nezir Rizvani ka deklaruar se nuk ka patur konflikte dhe nuk beson se lënda plasëse i është vendosur banesës së tij. Në një lidhje telefonike për News 24 ai tha se nuk ka qenë në banesë dhe është njoftuar për ngjarjen nga policia. Neziri më tej shprehet se po pret hetimet pasi nuk e lidh ngjarjen me emra apo ngjarje konkrete.
Policia njoftoi se rreth orës 04:00 ka shpërthyer një sasi e konsiderueshme tritoli (rreth 100 gr) në lagjen Drita të qytetit të Burrelit. Lënda plasëse ishte vendosur në sheshpushimin e shkallëve, në distancë prej 160 cm larg derës së banesës të shtetasit M.B, 55 vjeç, dhe 2 metra larg derës së banesës të shtetasit Nezir Rizvani, 53 vjeç, Kryetar i Bashkisë Mat. Nga shpërthimi i tritolit nuk ka të lenduar pasi në këto apartamente nuk ka patur banorë. /Opinion.al
