Aktualitet

Tritan Kalo për PS: E mavijosur nga ethet e parave


Bëhu pjesë e Grupit Zyrtar të Opinion.al
>> KËTU <<
               Publikuar në : 14:05 - 09/03/21 |
Opi Nion

Mjeku i njohur i spitalit Infektiv Tritan Kalo përmes një postimi në rrjetet sociale, ka deklaruar se Partia Socialiste mbron interesat e atyre që ai quan “pasunarëve”.

Sipas mjekut, kjo parti është e mavijosur nga ethet e parave të korrupsionit. “PS e pas Qershorit 2013 është një parti mbrojtëse e interesave të pasunarëve, e “MAVIJOSUR” nga ethet e parave të korrupsionit”, shkruan Kalo.

Ndërkohë, gjatë diskutimeve dhe komenteve me ndjekësit në “Facebook”, mjeku thotë “ kisha shumë-shumë pak shpresë për ndonjë reflektim të Rilindjes në zgjedhjet e ardhshme Parla-Pa-Mentare të 25 prillit, por paskam qenë i gabuar”.

Ndërsa dikush e pyet se çfarë duhet bërë pasi të gjithë janë të korruptuar, Kalo ia kthen duke i thënë:“të mos vijojmë t’u shkojmë prapa e të mos grindemi mes nesh të verbuar nga militantizmi”.

Në 4 mars Tritan Kalo njoftoi largimin e tij nga Komiteti Teknik i Ekspertëve që monitorin situatën e COVID-19 në vend. Mjeku shprehu zhgënjimin e tij duke thënë se në këto ditë të vështira për vendin, politika ka arritur të përçajë mjekët duke krijuar boshllëk dhe hapësirë moskuptimi mes tyre.

Kujtojmë se në listat e Partisë Socialiste kandidion në një vend të sigurt shefja e pavijonit të Infektivit Najada Çomo./Opinion.al

 

Pas