Një 46-vjeçar ka rënë në prangat e policisë për transportimin e 7 emigrantëve të paligjshëm.
Shtetasi me iniciale A.G., 46 vjeç u arrestua në aksin rrugor Korçë-Pogradec në vendin e quajtur “Kryqëzimi i Libonikut”, duke transportuar me mjetin furgon tip “Volkswagen”, në drejtim të Tiranës.
Ai është banues në Kosovë dhe kundrejt parave bënte të mundur kalimin e tyre drejt vendeve të BE-së.
Gjithashtu policia është në ndjekje të dy personave të tjerë të cilët po transportonin 13 shtetas të tjerë në dy makina të ndara.
25-vjeçari me iniciale A. K. dhe 49-vjeçari me iniciale A. Th., 49 vjeç, të dy banues në Durrës po udhëtonin në dy mjete të ndara respektivisht, fuoristradë tip “Benz” dhe mjetit furgon tip “Ford Transit”.
Ata nuk i janë bindur thirrjes së policisë për të ndaluar dhe janë larguar me automjete. Më psa në afërsi të fshatit Hudënisht, Pogradec ata lanë automjetet dhe u arratisën me 13 emigrantët.
Materialet në ngarkim të tyre i kaluan Prokurorive të Rretheve Gjyqësore Korçë dhe Pogradec, për veprime të mëtejshme.
