Një zjarr katastrofik ka ndodhur në Portugali i cili ka marrë jetën e të paktën 62 personave, duke përfshirë katër fëmijë.
Shumica vdiqën duke u përpjekur të iknin në zonën Pedrógão Grande, 50 km në juglindje të Coimbra, me makinat e tyre.
Qindra zjarrfikës po vazhdojnë të përballojnë zjarrin, i cili është përhapur nëpër disa fronte.
Kryeministri Antonio Costa e quajti këtë “tragjedinë më të madhe që kemi parë vitet e fundit në lidhje me zjarret në pyje”.
Numri i të vdekurve mund të rritet më tej, pasi shumë njerëz mbeten të humbur, paralajmëroi ai. Autoritetet kanë shpallur tri ditë zie kombëtare, duke filluar nga e diela.
Sekretari i Shtetit për , Jorge Gomes, tha se shumica e viktimave vdiqën nga asfiksia e tymit dhe djegiet, ndërsa dy vdiqën në një aksident.
Ai më parë tha se 30 trupa u gjetën brenda makinave,dhe 17 pranë automjeteve, në një rrugë që shpie në autostradën IC8. 300 automjete zjarrëfikse po punojnë për shuarjen e zjarrit.
