Bota

“Tradhtar”, mirëpriti pushtimin rus, kryebashkiaku ukrainas gjendet i vrarë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:16 - 03/03/22 |
Opi Nion

Kryebashkiaku pro-rus i një qyteti në Ukrainën lindore, i cili mirëpriti pushtimin e Presidentit Vladimir Putin, u rrëmbye dhe më pas u vra, raportojnë mediat e huaja.

Vlodymyr Struk, nga qyteti Kremina, mbeti i vrarë të martën me plumb në zemër. Sipas bashkëshortes së tij, po atë ditë ishte rrëmbyer nga shtëpia.

Lajmi është dhënë nga këshilltari i Ministrit të Brendshëm të Ukrainës, Anton Gerashchenko, në një status në “Facebook”. Ai  pretendonte se  Struk ishte një “mbështetës i Republikës Popullore të Luhanskut” (LPR) dhe ndoqi në mënyrë aktive një “pozicion pro-rus” javën e kaluar duke “komunikuar me ta”.

Republika Popullore e Luhanskut është një shtet i vetëshpallur separatist i vendosur në lindje të Ukrainës, i cili u krijua në vitin 2014 nga separatistët pro-rusë.

Ai shtoi: “Ukraina nuk mund të bënte asgjë kundër tij, pasi kishte shumë para, që me shumë gjasa i merrte nga Rusia. Por kur trupat ruse u futën në tokën ukrainase, ai u dënua nga gjykata popullore. Bazuar mbi këto fakte, është qëlluar nga patriotë të panjohur, si tradhtar i ligjeve në kohë lufte”./Opinion.al

Pas