-U tha në Opinion

Topalli: Presidenca në vakancë, Meta i përfshirë tërësisht në fushatë


Bëhu pjesë e Grupit Zyrtar të Opinion.al
>> KËTU <<
               Publikuar në : 21:45 - 18/03/21 |
el ida

Kryetarja e partisë “Lëvizja për ndryshim” Jozefina Topalli tha se fushatës së këtij viti i mungon fryma.

E ftuar në emisionin “Opinion”, Topalli deklaroi ndër të tjera se zhgënjimi i qytetarëve ndaj klasës politike është aktualisht më i larti në 3 dekada
“Fryma është përcaktuese tregon situatën në të cilën është shoqëria. Mungesa e frymës dhe mungesa e shpresës implikon të dyja palët, qeverinë që nuk u është përgjigjur në asnjë rast qytetarëve të saj, por edhe një mungesë besimi nga ana tjetër. Asnjëherë në 3 dekada nuk ka qenë kaq i lartë zhgënjimi i qytetarëve ndaj klasës politike. E dyta, nuk ka thelb, nuk ka përmbajtje. Këtu rrejnë, rrejnë, rrejnë, qytetarët janë të mençëm. Është 40% varfëria. Një shoqëri që ka 40% varfëri ekstreme është në zgrip. Në një shoqëri ku gjysma e popullsisë ka më pak se 5 dollarë në ditë, si ndihen të sigurtë, si mund të jenë të qetë? Politika është pak imazh, por kryesisht është intrigë, batutë dhe një politikë urrejtjeje nën të, gjë që nuk ka lidhje me qytetarin dhe nuk flet për problemin themelor që kemi, që është boshatisja e vendit”, u shpreh Topalli.

Duke folur për figurat kryesore të kësaj fushate, të cilët i bëri përgjegjës për këtë zhgënjim të qytetarëve, Topalli përmendi edhe presidentin e Republikës. Ajo u shpreh se pozicioni i presidentit në vendin tonë është vakancë dhe se Meta është i përfshirë në fushatë.

“Një zhgënjim total me treshen, Rama, Meta, Basha.  Pozicioni i presidentit është vakant prej kohësh. Meta është i përfshirë tërësisht në fushtë. Tërësisht dhe në një mënyrë që nganjëherë të krijon idenë, se mos mendon që linja e konfliktit do ishte një linjë që mund të përvijohet gjatë kësaj fushate? Gjë që s’do ta doja”, u shpreh Topalli./Opinion.al

Pas