Ish-kryeparlamentarja Jozefina Topalli ka sulmuar sërish, kreun e Partisë Demokratike, Lulzim Basha duke e akuzuar atë për marrëveshje me kryeministrin Rama në zgjedhjen e kreut të KQZ-së së re.
Jozefina Topalli shkruan në Facebook, se Lulzim Basha ka rrëzoi kandidaturën e Ilir Rusmailit, ish-zëvendës kryeministër i Partisë Demokratike dhe votoi ministrin e Edi Ramës, Ilirjan Celibashin.
“Para dy ditësh në Parlament, Rama ne marreveshtje me Bashen votoi emrat e KQZ se re. Sikur Basha te kishte kontestime per ndryshimet kushtetuese apo per mbylljen e listave permes hapjes se rreme , ky i fundit nuk do te kishte derguar ne Kuvend emrat e tij (emra qe moren voten e Rames). Perkundrazi, ata ishin ne sintoni per cdo gje. I vetmi kontestim qe Basha kishte, ishte Ilir Rusmaili. Ne nje akt te turpshem, Basha votoi ministrin e Edi Rames dhe rrezoi zevendes kryeministrin e Partise Demokratike. Ilir Rusmaili eshte njohesi me i mire i zgjedhjeve, eshte profesor i se drejtes kushtetuese. Ai i eshte bashkengjitur Partise Demokratike qe prej 3 dekadash. Nje nder mendjet me brilante te kesaj Partie. Votimi i Bashes per ministrin e Rames me kujtoi marrëveshjen e 2017 kur Lulzim Basha detyroi grupin parlamentar te votoje listen e vetingut, qe fillonte nga Ina Rama deri tek militantet me famos te kryeministrit. Sa bukur merren vesht shahistet per te ruajtur karriget e tyre. Meritokracia, vlera , parimet e dija nuk kane asnje vlere per ta”, shkruan Topalli.
Partia Socialiste propozoi për kryekomisioner: Ardjan Myslimaj, Ilirjan Celibashin dhe Ilir Rusmajlin. Përfaqësuesi i posaçëm i opozitës, Oerd Bylykbashi skualifikoi Ilir Rusmajlin, i cili ka qenë ish-zv-kryeministër dhe ministër i Partisë Demokratike.
Kuvendi zgjodhi si Komisioner Shtetëror të Zgjedhjeve Ilirjan Celibashin ndërsa nënkomisioner u zgjodh Lealba Pelingu. Kjo e fundit sipas marrëveshjes së 5 qershorit, vjen si propozim i opozitës jashtëparlamentare. /Opinion.al
