Aktualitet

Akuza për tjetërsim pronash, Gjykata lehtëson masën e ish-deputetit Ndoka


Bëhu pjesë e Grupit Zyrtar të Opinion.al
>> KËTU <<
               Publikuar në : 11:48 - 23/11/20 |
Opi Nion

Gjykata e Lezhës i ka hequr masën e sigurisë “arrest shtëpie”,  ish-deputetit të Partisë Socialiste, Arben Ndoka, i cili akuzohet se është përfshirë në tjetërsimin e pronave te Rana e Hedhun. Për ish-deputetin Ndoka Gjykata ka vendosur një tjetër masë sigurie, “ detyrim paraqitje”.

Arben Ndoka dhe 12 persona të tjerë u akuzuan për tjetërsim pronash në Lezhë. Gjykata vendosi ndryshimin e masës së sigurisë për ish-deputetin, por ndërkohë vazhdon gjykimi për pjesën tjetër të grupit.

Mes personave të marrë të pandehur për këtë çështje është dhe vëllai i ish-deputetit Arben Ndoka, Xhevi Ndoka, motra e tij Mimoza Ndoka, si dhe xhaxhai i tij Gjok Ndoka. Po kështu, persona të tjerë që janë vënë nën akuzë si të pandehur janë dhe Erald Osmaci, Bledar Cara, Bled Ndoka, Lule Zeneli dhe persona të tjerë.

Ndaj të pandehurve të kësaj dosje rëndojnë akuzat e “Falsifikimit të dokumentave”, “Pastrimit të produkteve të veprës penale”, Falsifikimi i vulave, stampave ose i formularëve”, “Shpërdorimi i tokës” dhe “Grup i strukturuar kriminal”.

Për këtë çështje prokuroria ka sekuestruar dhe 300 mijë m2 tokë në zonën e Ranës së Hedhun në plazhin e Shëngjinit. Arben Ndoka, u ndalua në pasditën e 21 tetorit të vitit 2018, së bashku me të vëllanë, Xhevahir Ndoka. Ndërkohë në mars 2018, Policia e Lezhës hetoi një grup tjetër kriminal që ishte i lidhur me abuzimet e tokave në zonën e Shëngjinit dhe ndaloi 12 persona, mes tyre edhe ish-kryetarin e Bashkisë Lezhë të PD-së, Fran Frrokaj.

Mes 12 personave të arrestuar 9 ishin zyrtarë të bashkisë dhe drejtorisë së bujqësisë në Lezhë, ndërsa tre të tjerë përfitues të paligjshëm të pronave./Opinion.al

Pas