Tjetër tunel droge Meksisë-SHBA, 11 m nën tokë

MEKSISË- Policia meksikanë zbuloi një tunel të gjatë 800 metra, të sapopërfunduar, që shërbente për transportin e drogës nga Tihuana (Meksikë) në San Diego të Shteteve të Bashkuara. Të paktën 16 persona u arrestuan dhe u sekuestruan 10 tonë marjuanë. Tuneli tejet i sofistikuar, 11 metra nëntokë përdorej nga klani i lidhur me Hoakin Gusman, i njohur si “El Çapo”, një nga bosët më të njohur të drogës në Meksikë, i cili më 11 korrik mundi të arratisej nga një burg i sigurisë së lartë. Sipas autoriteteve meksikane “tuneli u zbulua pas disa javë hetimesh dhe pa nxjerrë asnjë plumb, duke i zënë në befasi trafikantët e drogës”. I ndërtuar nga arkitektë me shufra metalike për të parandaluar shembjen e tij-tuneli kishte një sistem shumë të mirë ndricimi dhe ajrimi. 600 metra të tunelit ndodhen në territorin e meksikës, ndërsa 200 të mbeturat në Shtetet e Bashkuara. Në gusht, një tunel i papërfunduar u zbulua në Tihuana te Meksikës, që do të përdorej për transportin e drogës.